لكل يوم زوّادة: عا طول الطمع خسران : 12 / 5 / 2022 /

[souad jaalouk]

لكل يوم زوّادة: عا طول الطمع خسران

بيخبرو عن نمر بالغابة جوعان كتير لاقى خلد زغير طالع من وكرو مسكو تا ياكلو رجع تطلّع فيه و قال: لا لا كتير زغير ما بيشبّع! شوي مرق غزال كبير، فرح النّمر و قال هيدا غدا حرزان. ترك الخلد و ركض وراه بس الغزال كان سابقو و ما قدر يلحقو. رجِع تا ياكل الخلد كمان ما لاقاه كان هرب تحت الأرض!
الزّوادة اليوم بتقلّنا انو الطّمع و لا مرة خدم صاحبو... عاطول الطّميع خسران! ما تنسو انو ربنا علّمنا القناعة لأنو ما بيقبل ولادو يكونو خسرانين...الله رفيقكُن عاطول!