حياة الشركة (لاسرة منتدى الفرح المسيحي)

[مورا مرمر]

وَجَمِيعُ الَّذِينَ آمَنُوا كَانُوا مَعًا، وَكَانَ عِنْدَهُمْ كُلُّ شَيْءٍ مُشْتَرَكًا.

(أع 2: 44).


اية رايكم بما اننا خلاص داخلين على صيام الرسل كل سنة وانتوا طيبين وبخير
نعيش اجواء الكنيسة الاولى اللى كان كل حاجة فيها مشتركة
بس خليني اقولكم ازاى نعيش حياة الشركة كاعضاء هنا فى اسرة المنتدى
وممكن اى مجموعة مع بعض بردو يعملوا كدا
ايه رايكم نشارك مع بعض كل يوم احد كاعضاء هنا فى المنتدى حاجات مميزة حصلت معانا
طول الاسبوع امتنان لحاجة مكناش واخدين بالنا منها مثلا او على حاجة حصلت ،شعور معين كنتوا حاسين به طول الاسبوع،موقف صعب عدى بمعونة ربنا،تأمل حلو حابين تشاركوا به،بوست لمسكم جدا لما قريتوه اول مرة ...حتى لو حاجة عادية او بسيطة كوباية قهوة كنتوا عاملينها بمزاج (حاسة اني عايزة اعمل منشن لمستر رامز اكتر حد بيعمل قهوة حلوة وبشوفه بينزلها فى قسم كاميرا الاعضاء)
يعني باختصار اي حاجة شخصية حصلت طول الاسبوع تحبوا تشاركوا بيها (حاجة تحسسننا اننا اسرة واحدة وفرحة وامتنان الاخر فيها جزء من فرحتنا وامتنانا) كمان زي ماذكرت فى الاول اننا نعيش اجواء الكنيسة الاولى

الفكرة هتكون كل يوم احد طول صيام الاباء الرسل (لاننا بنتعلم منهم)
لو حبيتوا الفكرة ممكن نخليها علطول ابقوا قولولى رايكم فى مشاركتكم


وبما اننا اسرة واحدة اسمحولى ابدأ بالمشاركة


انا من اكتر الحاجات اللى كانت مميزة بالنسبالى وحصلتلى الاسبوع دا كان مجموعة كتب لكاتب اسمه هنري نووين كان نفسي اشتري الكتب دي من 2022 ومحصلتش فرصة اني اشتريهم لانهم مش متوفرين فى المكتبات اللى عندي في محافظتي فطلبتهم اونلاين وحقيقى اتبسطت اوي اني جبتهم المهم بقى هشارككم بجزء عجبني من كتاب منهم اللى هو اسمه "حياة المحبوب" الجزء دا بصراحة لمسني جدا وعجبني بيقول ايه بقى:


"في كل مرة تشعر فيها بالاذى او الاهانة او الرفض ،عليك ان تجرؤ ان تقول لنفسك: هذه المشاعر ، مهما كانت قوية لاتخبرني بالحقيقة عن نفسي. الحقيقة على الرغم من انني لا استطيع الشعور بها الان، هي انني ابن الله المختار ،الغالي في نظر الله،المدعو محبوب منذ الازل ،والامِن في عناق ابدي."
ِ
بس دي كانت حاجة بسيطة حابة اشارك بيها معاكم وانتوا كمان هنتظر مشاركتكم

[Ramez5]

المشاركة الأصلية كتبت بواسطة مورا مرمر

(حاسة اني عايزة اعمل منشن لمستر رامز اكتر حد بيعمل قهوة حلوة وبشوفه بينزلها فى قسم كاميرا الاعضاء)

وأنا هبداء معاكى هنا
ودى القهوة العثماني إللى بحبها

[Ramez5]

الفكرة جميلة جداً 😊

وهبداء معاكى عن ‏الناس تشوف الظاهر ..
تشوف شكلك ، موقفك ، غلطتك ، أو حتى نجاحك …
وتحكم!!
لكن ربنا بيشوف العمق ، القلب ، النية ، الدموع اللي محدش شافها
والصرخات اللي طلعت وانت ساكت.

ممكن الناس تقول:
هو فشل ، هو اتغير ، هو بعد …
لكن ربنا شايف
هو لسه بيحبني ، هو بيجاهد ، هو تعبان

[walaa farouk]

فكرة رائعة حبيبتي جدا
وهشارك معاكى النهاردة
بأن العلاقات السليمة مش بس حب وكلام حلو…
دي احترام في الغيب قبل الحضور،
وستر في السر قبل العلن.
اللي بيحبك بجد، مش هيحرجك قدام الناس،
ولا هيحول مشاكلكم لفيلم على السوشيال ميديا.
هيعاتبك بينه وبينك، وهيحمي صورتك قدام الكل حتى لو زعلان.
وده مش تملق، ده نُبل…
وده اللي بيخلي العلاقة تكمل بشرف وكرامة.

[Mary Naeem]

فكرة جميلة يا مرمر
ربنا يبارك في خدمتك حببتي


احترام مشاعر الآخرين هو جوهر المحبة
والنظر إلى الآخرين كما ينظر إليهم المسيح.
يشمل ذلك احترام قدراتهم وقيمتهم،
تقدير مشاعرهم وآرائهم، وقبولهم على قدم المساواة،
ومنحهم نفس الاعتبار الذي تتوقعه لنفسك

[souad jaalouk]

فكرة رائعة يا مرمر ربنا يقويكي ويباركك

ورح بلّش معك ( أبدأ) اليوم عن شيء جميل جدا جرى معي وكان السبب في سعادتي التي كانت ناقصة ...
منذ شهرين تقريبا وبالتحديد في فترة العيد ، عيد القيامة كانت هناك اسباب تحول دون اجتماع عائلتي كلها بسبب بعض سوء الظن ولكن يشاء الرب وبحكمة وبتدبير إلهي، أن يزول هذا السوء التفاهم وتعود المياه إلى مجاريها
ونجتمع ومن دون أي عتاب أو ملامة ... كنت أعاني من قهر ومرارة ودائما ما أطلب من الرب أن يعطيني سؤل نفسي الا وهي اجتماع احبابي وأولادهم في بيتي بيت العائلة وهكذا كان وأشكر الرب كثيراااا على نعمه وعطاياه ... صبرت كثيراااا واعطاني الرب ما كنت أطلبه ...حياة العائلة مجتمعة وباسم ربنا يسوع المسيح هي النعمة بحد ذاتها ... شكراااا لك يا إلهي ويا ربي على كل شيء

[حياة بالمسيح]

شئ جميل وموضوع اكثر من رائع يا حبيبتي مرمر
انا اريد ان اشارككم عن معية الله للمؤمن فبعد ان كنت لا استطيع الدخول في منتديات الكنيسة لفترة اكثر من شهرين لانني نسيت كلمة السر الخاصة بحسابي هناك وايضاً كنت ناسية كلمة المرور الخاصة بحسابي هنا ولكن نعمة ورحمة الله تسعنا كلنا نحن وخطايانا جميعاً فبينما كنت ارنم كل الترانيم اللي حافظاها عند خلودي للنوم ودا عهدي في يوني كله بصمتي سمعت صوت الله في اذني بكلمة السر الخاصة بحسابي هنا وعلى الفور شكرت ومجدت الله ودخلت هنا وتذكرت ان الزميلة الغالية ماري نعيم هي ايضاً عضوة في منتديات الكنيسة فاتصلت بها على مدى اكثر من شهرين وهي قامت مشكورة بجهد رائع ولم تبخل علي لا بوقتها ولا بتحاورها معهم في منتديات الكنيسة حتى حينما لا اطلب منها ذلك وهي اخت مباركة وغالية وعزيزة على قلبي ولولاها لما استعدت عضويتي في منتديات الكنيسة وكنت دايماً باقول وانا في محنتي هذه ربنا مثلما سمح لي بهذه المحنة هو سيحلها بمعرفته وحكمته وبوقته الالهيين وكنت ارى حل مشكلتي لا بعيوني البشرية بل بعيون ايماني بالله وانا اقول لكل من هو تحت صليب معين مهما كان مرض ما او شدة ما او ضيق ما مهما بان بانه حله مستحيل تأكد بأن لا مستحيل عند الله وتأكد باننا ما زلنا غي زمن المعجزات ولم يولي زمن المعجزات لان مسيحنا هو اله المعجزات وهو هو امساً واليوم والى الابد مثلما اجترح المعجزات في عهده سيجترحها هو معك ايضاً وثق بالله وزد ايمانك به فالله لا يبات مديوناً لاحد مطلقاً ودع عمل النعمة يظهر وخلي كل مر يمر في حياتك واصبر على المك وصليبك ولا تفقد رجائك به واطلب في هذه الاوقات العصيبة منفذه وهو سيرشدك به وسيمنحنك طريقته في خروجك من صليبك واريد ان اقول وراء كل صليب تأتي البركة ومفيش قيامة من دون صليب مهما طال مدة صليبك لا بد لفجر قيامتك بكرة يبان والمجد لله دائماً وابداً امين

[karas karas]

فكرة جيدة

واحب اشارك ان انا كبدي كان تعبان من يومين لاني عندي دهون على الكبد وكنت مرهق جدا طلبت من الرب يسوع باسم الشهيد ابالي بن يسطس اني اخف والحمد لله كبدي الحرقان اللي كنت حاسس بيه فيه راح وخفيت

[مورا مرمر]

حقيقي استمتعت جدا بكل قصصكم ومشاركتكم
وحقيقى مشاركتكم دي غالية اوي ليا
بشكركم جدا للمشاركة

[مورا مرمر]

حابة اشارك معاكم الاسبوع دا بفكرة كنت عملتها فى نشاط (كرنفال) فى الخدمة الكنسية
مع سن تالتة ابتدائي اليوم كان بيتكلم عن الاحترام وحقيقي دي اكتر حاجة كانت مميزة حصلت الاسبوع دا
والورشة دي اللى عملناها معاهم
كانت عبارة عن ورشة عمل فنى ويتعلموا منه درس صغير له علاقة باليوم
الفكرة كان هدفها ان الطفل يتعلم الاحترام لنفسه ولغيره عن طريق انه يعرف
انه عنده مميزات وصفات حلوة بتختلف عن الاخر

الادوات: اكواب ورقية - خلة اسنان - دابل فيس - مقص - اقلام - صمغ - اوراق صغيرة

الخطوات كانت عبارة اننا قصينا الاكواب على شكل مروحة ورسمنا على قاع الكوباية باستخدام الاقلام عينين وفم مبتسم وبعدين خرمنا قاع الكوباية بخلة الاسنان و قمنا بتثبيتها فى الكوب من الخلف بالدابل فيس وهنا كان انتهى شكل اللعبة هما من خلال خلة الاسنان يقدروا يدوروها.

زي الشكل اللى فى الصورة


الصورة دي متلونة لان دا كان الشكل التحضيري ،في الورشة الاكواب كانت مرسومة فمكنش في تلوين

الفكرة بقى اللى اتعلموها هي اننا كنا عاملين بوكس فيه صفات ايجابية كتير مختلفة زي (انا جميل،انا محبوب،انامميز،انا مبدع،اناموهوب،انا ذكي.........الخ) وعلى كل طفل انه كان يختار الصفات اللى هو شايفها فى نفسه (على كل طفل اختيار 3 ورقات) اد ايه دا بسطهم جدا فكرة انهم يدوروا على صفاتهم الحلوة واتبسطت اوي لما شرحنالهم الفكرة انهم فهموها وعجبتهم اوي وكل واحد منهم كان مبسوط بالصفات اللى عنده بصراحة كنت مترددة في الفكرة وكنت بطلب من ربنا يخلى الفكرة توصل لكل طفل ويتبسطوا بيها ودا حقيقي حصل بنعمة ربنا.فشكرا له للفكرة وان اولاده اتبسطوا بيها

مستنية اسمع مشاركتكم وقصصكم انتوا كمان وازاى نعمة ربنا كانت معاكم ....