|
حياة الشركة (لاسرة منتدى الفرح المسيحي)
وَجَمِيعُ الَّذِينَ آمَنُوا كَانُوا مَعًا، وَكَانَ عِنْدَهُمْ كُلُّ شَيْءٍ مُشْتَرَكًا.
(أع 2: 44). اية رايكم بما اننا خلاص داخلين على صيام الرسل كل سنة وانتوا طيبين وبخير نعيش اجواء الكنيسة الاولى اللى كان كل حاجة فيها مشتركة بس خليني اقولكم ازاى نعيش حياة الشركة كاعضاء هنا فى اسرة المنتدى وممكن اى مجموعة مع بعض بردو يعملوا كدا ايه رايكم نشارك مع بعض كل يوم احد كاعضاء هنا فى المنتدى حاجات مميزة حصلت معانا طول الاسبوع امتنان لحاجة مكناش واخدين بالنا منها مثلا او على حاجة حصلت ،شعور معين كنتوا حاسين به طول الاسبوع،موقف صعب عدى بمعونة ربنا،تأمل حلو حابين تشاركوا به،بوست لمسكم جدا لما قريتوه اول مرة ...حتى لو حاجة عادية او بسيطة كوباية قهوة كنتوا عاملينها بمزاج (حاسة اني عايزة اعمل منشن لمستر رامز اكتر حد بيعمل قهوة حلوة وبشوفه بينزلها فى قسم كاميرا الاعضاء:d) يعني باختصار اي حاجة شخصية حصلت طول الاسبوع تحبوا تشاركوا بيها (حاجة تحسسننا اننا اسرة واحدة وفرحة وامتنان الاخر فيها جزء من فرحتنا وامتنانا) كمان زي ماذكرت فى الاول اننا نعيش اجواء الكنيسة الاولى الفكرة هتكون كل يوم احد طول صيام الاباء الرسل (لاننا بنتعلم منهم) لو حبيتوا الفكرة ممكن نخليها علطول ابقوا قولولى رايكم فى مشاركتكم وبما اننا اسرة واحدة اسمحولى ابدأ بالمشاركة انا من اكتر الحاجات اللى كانت مميزة بالنسبالى وحصلتلى الاسبوع دا كان مجموعة كتب لكاتب اسمه هنري نووين كان نفسي اشتري الكتب دي من 2022 ومحصلتش فرصة اني اشتريهم لانهم مش متوفرين فى المكتبات اللى عندي في محافظتي فطلبتهم اونلاين وحقيقى اتبسطت اوي اني جبتهم المهم بقى هشارككم بجزء عجبني من كتاب منهم اللى هو اسمه "حياة المحبوب" الجزء دا بصراحة لمسني جدا وعجبني بيقول ايه بقى: "في كل مرة تشعر فيها بالاذى او الاهانة او الرفض ،عليك ان تجرؤ ان تقول لنفسك: هذه المشاعر ، مهما كانت قوية لاتخبرني بالحقيقة عن نفسي. الحقيقة على الرغم من انني لا استطيع الشعور بها الان، هي انني ابن الله المختار ،الغالي في نظر الله،المدعو محبوب منذ الازل ،والامِن في عناق ابدي." ِ بس دي كانت حاجة بسيطة حابة اشارك بيها معاكم وانتوا كمان هنتظر مشاركتكم |
رد: حياة الشركة (لاسرة منتدى الفرح المسيحي)
اقتباس:
وأنا هبداء معاكى هنا :) ودى القهوة العثماني إللى بحبها https://upload.chjoy.com/uploads/174941297874331.jpg |
رد: حياة الشركة (لاسرة منتدى الفرح المسيحي)
الفكرة جميلة جداً 😊 وهبداء معاكى عن الناس تشوف الظاهر .. تشوف شكلك ، موقفك ، غلطتك ، أو حتى نجاحك … وتحكم!! لكن ربنا بيشوف العمق ، القلب ، النية ، الدموع اللي محدش شافها والصرخات اللي طلعت وانت ساكت. ممكن الناس تقول: هو فشل ، هو اتغير ، هو بعد … لكن ربنا شايف هو لسه بيحبني ، هو بيجاهد ، هو تعبان |
رد: حياة الشركة (لاسرة منتدى الفرح المسيحي)
فكرة رائعة حبيبتي جدا وهشارك معاكى النهاردة بأن العلاقات السليمة مش بس حب وكلام حلو… دي احترام في الغيب قبل الحضور، وستر في السر قبل العلن. اللي بيحبك بجد، مش هيحرجك قدام الناس، ولا هيحول مشاكلكم لفيلم على السوشيال ميديا. هيعاتبك بينه وبينك، وهيحمي صورتك قدام الكل حتى لو زعلان. وده مش تملق، ده نُبل… وده اللي بيخلي العلاقة تكمل بشرف وكرامة. |
رد: حياة الشركة (لاسرة منتدى الفرح المسيحي)
فكرة جميلة يا مرمر ربنا يبارك في خدمتك حببتي احترام مشاعر الآخرين هو جوهر المحبة والنظر إلى الآخرين كما ينظر إليهم المسيح. يشمل ذلك احترام قدراتهم وقيمتهم، تقدير مشاعرهم وآرائهم، وقبولهم على قدم المساواة، ومنحهم نفس الاعتبار الذي تتوقعه لنفسك |
| الساعة الآن 12:13 PM |
Powered by vBulletin® Copyright ©2000 - 2025