إحنا محتاجين بعض

[walaa farouk]

إحنا محتاجين بعض.
زيّ ما محتاجين حدّ يسمعنا ويطبطب علينا، محتاجين نسمع ونطبطب.
زيّ ما محتاجين نتشال وقت الهمّ، محتاجين نشيل وقت الهم.
زيّ ما محتاجين يكون عندنا حريّة نقبل ونرفض
، محتاجين ندّي حرّية للقبول والرفض.
زيّ ما محتاجين ثقة وحفظ لأسرارنا،
محتاجين نكون مصدر ثقة وحفظ للأسرار.
زي ما محتاجين نعاتب لو اتضايقنا،
محتاجين نقبل العتاب لو ضايقنا.
زيّ ما محتاجين ناخد، محتاجين كمان ندّي.