اللي يبعد عن الرب يسوع يضر نفسه

[walaa farouk]

في بداية ملكه، حس إن الموضوع كبير عليه،
والكرسي اوسع من مقاسه، وطبعا كان خايف،
هايقود وهايملك على شعب، ومصير ناس في إيده
حصلت معاه حاجة غريبة،
ربنا سأله عايز إيه؟ اطلب وأنا أديلك طلبك،
رد على ربنا علطول وقاله: «اديني حكمة»
وفعلا ربنا كرمه بحكمة وغنى كمان..
وهو اللي كتب لنا الكلمات الجميلة دي..
لأَنَّهُ مَنْ يَجِدُنِي يَجِدُ الْحَيَاةَ، وَيَنَالُ رِضًى مِنَ الرَّبِّ،
وَمَنْ يُخْطِئُ عَنِّي يَضُرُّ نَفْسَهُ.
كُلُّ مُبْغِضِيَّ يُحِبُّونَ الْمَوْتَ». (الأمثال ٨: ٣٥، ٣٦)
ومعنى الكلام الجميل دا أن اللي يلاقي الحكمة
ويتعلق بيها يلاقي الحياة، واللي يبعد عنها يضر نفسه.
أمال إيه حال اللي يلاقي 👈🏻الحكيم👉🏻 نفسه ويتعلق بيه!
رب المجد يسوع المسيح قال عن نفسه:
«وَهُوَذَا أَعْظَمُ مِنْ سُلَيْمَانَ ههُنَا!»
الرب يسوع أحكم من سليمان وهذا الحكيم
قال عن نفسه: «أَنَا هُوَ الْقِيَامَةُ وَالْحَيَاةُ.»
اللي يكون في عشرة وقرب مع الحكمة،
لأ مع الحكيم الأعظم؛ رب المجد يسوع المسيح،
الحكيم وحده.. يلاقي الحياة!
واللي يبعد عن الرب يسوع يضر نفسه..
وطبيعي يحب الموت، لأنه كره الحياة! 🤷