لكل يوم زوادة: الغلط مش النهاية : 5 / 4 / 2022 /

[souad jaalouk]

لكل يوم زوادة: الغلط مش النهاية

بيخبرو عن فراشة فاتِت من شباك حبس. قلّها الشب بالزنزانة: الناس بيعملو المستحيل تا يضهرو من هون، انتي ليش جيتي؟! قالتلو: الحرّ، حرّ بأفكارو مش وين هوّي! يمكن تكون مسجون هون بس بأفكارك حرّ اكتر من كل الناس برّا اللّي هنّي سجناء افكار بيخافو يقولوها حتى قدام المراية!
قلها الشب: انا قاعد هون مجبور لأنني غلطت شوي و بستاهِل بس انتي نيّالِك عندِك جوانح فيكي تروحي مطرح ما بدّك، فلّي!! قالتلو الفراشة: غلّطت و تعلّمت يعني جوانحك عم يكبرو و اول ما بينفتَح هالباب الدّني ما رح تساعُن و رح تطير فيهن لبعيد كتير... انا جيت بس تا قلّك هيك... لو غلّطت الله بيحبّك و هوي ما اجا كرمال الأبرار بل كرمال الخطأة تا يشفيلُن جوانحُن من تِقل الخطية و يرجعو يطيرو صوبو عالسما!...الغلط مش النّهاية، اعترِف فيه و سلّمو للرب و رح تختِبر اجمل بداية!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

رووووووووووعة
ربنا يفرح قلبك