نبذة عن يُوحَنَّا الْمَعْمَدَان

[Mary Naeem]

يوحنا المعمدان





(ارامى: ܝܘܚܢܢ Yohanoun; عبرى: יוחנן המטביל Yo-khanan ha-matbil; انجليزى: John the Baptist) (اذدهر ح 29)، فى المسيحيه و فى الاسلام (يحيى). فى الصابئيه بيعتبروه النبى الاساسى بتاعهم.

ابن زكريا الكاهن و امه اليصابات، بنت عم العدرا مريم، حملت فيه بعد رؤيه من السما. جه عشان يمهد السكه للمسيح و يبشر بقدومه، و عمده فى نهر الأردن قبل ما يبدأ فى دعوته. عاش عيشه متقشفه فى الصحرا و كان بيلبس جلد و بياكل جراد و عسل.
كان بيعمد الناس فى نهر الأردن دخل فى مشكله مع هيرودس بسبب جوازه من هيروديا مرات أخوه و قاله يوحنا ان ده ضد التعاليم، فاتغاظت منه هيروديا و أوعزت لبنتها سالومى انها تطلب راسه على طبق، و فى عيد ميلاد الملك دخلت سالومى ترقص للملك هيرودس و المدعوين فقالها انه مستعد يقق لها أى امنيه فطلبت راس يوحنا المعمدان فقتلوه و ادوها راسه على طبق. فى الانجيل اتكلم المسيح عنه كتير بتقدير و قال عنه:

"أعظم ما ولدت النسا" (متى 11: 1 - 19، و مرقس 6: 16 - 19).