بيخبرو عن تنين اصحاب بيشتغلو سوا. كان عندن وراق كتير مهمّة لازم تنكتب بخط الإيد.
واحد منّن مسك قلم عادي و بلّش يكتب. قلّو التاني ليش عم تكتب بهالقلم؟ جاوبو رفيقو: بشو بدّي اكتب لكن؟ قال التاني: بقلم بيتمحّى! عا كل الوراق المهمّة لازم نخلّي فرصة نصحّح بدون ما نخرّب المستند! كلنا معرّضين نغلط و المحّاية اخترعوها كرمال هيك! معو حق! مين مِنّا بدون اغلاط؟!
بالقدّاس في جملة بيقولها الكاهن: "...إِغْفِر لنا ولهم الخطايا والزَّلاّت، لأَنَّهُ ما مِنْ أَحَدٍ بدونِ خطيئةٍ إلاّ ربُّنا وإلهُنا ومخلّصُنا يسوعُ المسيح، الّذي بواسطته نرجو أن نَنَالَ المراحمَ وغفرانَ الخطايا لنا و لهم..."
يا رب كون محّاية لخطايانا و عطينا فرصة نرجع لعندك و علّمنا نستفيد من اجواء عيد الميلاد تا نرجع نتقرّب منّك و نبقى عاطول...
29 - 11 - 2020, 04:53 AM
العرض الشجري