|
 |
 |
 |
|
رقم المشاركة : ( 1 )
07 - 11 - 2020, 08:02 AM
|
|||||||||||
|
|||||||||||
 إحنا إللي كنا بنلبس يونيفورم واحنا رايحين المدرسة الحكومي، - كنا بنستأذن علشان نبري القلم برة الفصل .. - كنا بنعمل غديوة ساندويتشات مع بعضينا في الفسحة .. - وكنا في عز الخناقة نقول : اوعي ترمي الشنطة دي فيها كتاب دين .. - إحنا إللي كنا بنطلع لسانا علشان نعرف مين صايم ومين فاطر في رمضان .. - إحنا إللي ياما بوظنا شرايط كاسيت علشان دوسنا علي الزرار الاحمر .. - احنا اللي شوفنا التليفزيون وهو بيقفل الساعة 12 بالليل - إحنا إللي ماكناش نعرف إن فيه حاجة اسمها سياسة ، غير يوم الجمعة في أنباء وأراء .. - احنا اللي كسبنا 5 كيموكونو ورا بعضهم .. - إحنا جيل الزلزال .. والانتفاضة .. - إحنا إللي شفنا القرموطي في سر الارض .. وكريمة مختار في اعلانات تنظيم الاسرة وصفاء ابو السعود بتلعب مع فرشة سنان .. - إحنا اللي كنا بنشرب بعض فى غطا الزمزامية فى المدرسة... - إحنا اللي كان أقصي أحلامنا عجلة المصيف . . والطيارة الورق الملونة - إحنا شرايط الفيديو وبنك الحظ ومجلة علاء الدين وسينما الاطفال وعروستي .. - مكانش فيه غير قناتين أولى وتانية .. وأهلي وزمالك . . وبوجي وطمطم .. وونيس ومايسة .. وماما نجوي وبقلظ .. وتوم وجيري ..و هرقليز وزينا .. - إحنا إللي كنا بناخد جنيه جديد يوم العيد .ونفضل نصرف فيه مايخلصش .. - إحنا الجيل إللي اتفرج علي "الطريق الي ايلات" يوم عرضه مباشر لأول مرة فى السينما - إحنا الجيل إللي كان بيخاف لو حد قاله عيب .. وبيقول آسف لو غلط .. - إحنا الجيل اللي شاف شارع بحاله بيعمل كحك العيد مع بعضه . . وعيلة كاملة قاعدة تاكل مع بعضها .. - احنا بتوع الشمعدان والسامبا وسنجام والكاراتيه ولايز والعسلية وكوتش اميجو إللي بينور والفانوس ابو شمعة وكابتن ماجد صاحب أطول جون في التاريخ (3 حلقات) .. - إحنا جيل التليفون أبو سلك واخترنا لك ونادي السينما وبانوراما فرنسية - إحنا الجيل إللي عاصرنا قرنين وحضرنا الألفية .. - إحنا الجيل إللي كانت لمته تفرح , وضحكته طالعة من القلب .. - إحنا الجيل اللي كان بيطلع يحرك إريال التلفزيون عشان إرسال القناة الأولى والتانية يكون كويس .. إحنا الجيل إللى مش هيتعوض 💚 روحانيات_الزمن_الجميل 
|
 |
|
| قد تكون مهتم بالمواضيع التالية ايضاً |
| الموضوع |
| الزمن الجميل مع الله |
| من ايام الزمن الجميل صاحب السمو الامير عمر طوسون |
| الزمن الجميل................. |
| من اوراق الزمن الجميل |
| الزمن الجميل مِـرآة للإسلام الجميل |
العرض العادي
