فيَدعو خِرافَهُ الخاصَّةَ بأسماءٍ ويُخرِجُها

[walaa farouk]

راعى الخراف اللي بيحب خرافه
غالبًا مش بس بيكون عارف عدد الخراف اللي معاه،
لكن كمان بيكون عارف تفاصيل كتير عنهم
زي سنهم وبعض طباعهم الخاصة
(المتهور، الوديع، الجبان، المسلي ..)
والأجمل في الموضوع إنه بيسميهم ويناديهم
بالأسماء المميزة اللي سماهم بيها!
إحنا كمان عندنا راعي صالح مهما كان عددنا كبير،
لكن الله بنفسه هو الراعي الصالح بتاعنا
اللي عارف تفاصيل كل واحد فينا وبينادينا بأسمائنا
وبيقدر وجعنا ومشاعرنا المختلفة ..
ما هو اللي خالقنا ومبدع في تفاصيل تكويننا.
لكن المميز في رعاية الله لينا هي إنها اختيارية،
يعني محتاج انت اللي تطلب منه يكون راعي ليك،
وتكون واحد من خرافه الخاصة!

جربت تطلب منه ده قبل كده؟ 😊
في إنجيل يوحنا ١٠ :
"وأمّا الّذي يَدخُلُ مِنَ البابِ فهو راعي الخِرافِ.
لهذا يَفتَحُ البَوّابُ، والخِرافُ تسمَعُ صوتَهُ،
فيَدعو خِرافَهُ الخاصَّةَ بأسماءٍ ويُخرِجُها.
ومَتَى أخرَجَ خِرافَهُ الخاصَّةَ يَذهَبُ أمامَها،
والخِرافُ تتبَعُهُ، لأنَّها تعرِفُ صوتَهُ."