زوّادة اليوم: قلوب الأطفال : 31 / 7 / 2020 /

[souad jaalouk]

زوّادة اليوم: قلوب الأطفال

بيخبرو عن شرطي شاف بنت زغيرة مع امها بمحل. الزغيرة حاملة معها لعبتين و حاطّتلن كمّامات حتّى تحميهن من كورونا! لفتتلو نظرو للشرطي قرّب قلها شو اسمن العابك؟ قالتلو هيدا اسمو سنوبي و التاني مش الي بس اسمو رورو. قلها لمين تاني لعبة؟ فكّر رح تقلّو لإختي او هيك شي و تفاجأ بس قالتلو: رورو لرفيقتي هيّي مريضة ما فيها تضهر من البيت بتعطيني رورو آخدلها ياه مشوار و برَجعو.
براءة هالزغيرة ما فيها ما تذكّرنا بس قال الرب يسوع: ان لم تعودوا كالأطفال لن تدخلوا ملكوت السماء...قدّيش نحنا اليوم بعاد عن نقاوة قلوب الأطفال...الله معكن