زوّادة اليوم: خَلّو ايمانكن كبير و نَظرِتكن ايجابيّة

[souad jaalouk]

زوّادة اليوم: خَلّو ايمانكن كبير و نَظرِتكن ايجابيّة

بيخبرو عن صاحب معمل بيصنّع مجوهرات حَبّ يوسّع تجارتو عا بلاد نامية بعيدة. بَعَت اوّل مدير عندو حتّى يستكشف اذا بينجح المشروع. سافر المدير و رجع قال للمسؤول عنّو: ما عِنّا و لا فرصة ننجح هونيك، و لا حدا بيِلبُس مجوهرات و لا سامعين فيها!
رجع صاحب المعمل بَعَت مدير قسم تاني. رجع هالشب فرحان و محمّس كتير و قلّو للمسؤول: اكيد مننجح بهالبلد لأنّو ما رح يكون في غيرنا بالسوق و رح نكون الأوّل نطلق هالتجارة!
الزوّادة اليوم بتقلّك انّو لنفس الموضوع بيكون في مقاربات كتيرة و من عدّة زوايا. ما تِيأَس اذا تسكّر باب بوجهك جرّب غيرو! ما تستسلم! نحنا ولاد الرجا و الحياة، ما منرجع من نصّ الطريق منكمّل للآخر و منعمل اكتر ما فينا و منتّكل عا ربنا بكل شي! خَلّو ايمانكن كبير و نَظرِتكن ايجابيّة و الله معكن

[walaa farouk]

ميرسى على زوادة اليوم

[سندريلا الحياة]

امين يارب رجائنا فيك

[Mary Naeem]

خَلّو ايمانكن كبير و نَظرِتكن ايجابيّة
ميرسى على زوادة اليوم