|
 |
 |
 |
|
رقم المشاركة : ( 1 )
28 - 09 - 2017, 08:14 AM
|
|||||||||||
|
|||||||||||
 ١- الإهتمام الحقيقي VS الإستجواب الخنيق الزوجه التقليديه : - كنت فين ؟ هترجع امتا ؟ هات عيش معاك ؟ كله ده لسه في الشغل ؟ - مامتك قالتلك ايه ؟ مين الموظفه الجديده ديه ؟ مطول ؟ الزوج التقليدي : - عملالنا ايه على الغدا ؟ مفيش نزول - ايه اللي انتي لابساه ده ؟ انتي تخنتي اوي ؟ الزوجه الصاحبه : - على فكره وحشتني . عملالك مفاجأه لما تيجي - خد وقتك يا حبي انا كمان بعمل بحث عن حاجه مهتمه بيها - طمني عليك يا قلبي بقلق عليك اوي والله الزوج الصاحب : - إتبسطي مع صحباتك - انا بثق فيكي اوي - اي حاجه هتطبخيها اكيد هتبقا تحفه - شيك اوي بس الطقم التاني احلى عليكي ٢- المشاركه الحكيمه VS الأنانيه الغبيه الزوجه التقليديه : - مش فاضيه . بتفرج على الفيس - ايه ؟ مش سامعاك . انا بتفرج جوه على المسلسل - عارفه يا بنتي . انتي صاحبتي اللي بحب اتكلم معاها في كل حاجه الزوج التقليدي : - مش دلوقتي . اخلص اللي بعمله على الموبايل واجيلك - هروح القهوه اتفرج على الماتش - هكون بعمل ايه يعني؟ مانتي شايفه بلعب على الموبايل الزوجه الصاحبه : - عاوزه اتفرج معاك على الماتش يا حبي - على فكره انا حجزت ساعه اسكواش في النادي . قلت نجرب - المرادي مش هتغلبني لاني هلعب بريال مدريد الزوج الصاحب : - ايه المسلسل اللي بتتفرجي عليه ده . شكله حلو - قولي يا جميله . انا بحبك تحكيلي . طريقتك في التعبير عن الكلام تحفه اساسا - بقولك ايه . ماتودي العيال يوم الخميس عند اختك . عاوز اعزمك على العشا وبعدها نروح سينما ٣- الحرية المحسوبه VS الخنقه المقرفه الزوجه التقليديه : - انتا مش بتقعد معايا خالص ؟ - انتا كل شويه مع اصحابك ؟ - عاوزين نروح لماما بقا الزوج التقليدي : - يعني ايه تخرجي مع صحباتك ؟ - كل شويه ماما ماما - انتي بقيتي خنقه ونكديه الزوجه الصاحبه : - لا يا حبي . روح معاهم . انا مستوعبه اهميه الموضوع - انا عارفه انك بتوازن الامور . انا واثقه انك زوج رائع - انا محتاجه وقت لوحدي ارسم و ألون فيه الزوج الصاحب : - بصي . سبيلي الولاد النهاده واطلعي مع صحباتك انتي محتاجه ده اوي - طيب هنروح لماما ساعه كدا وبعدها نطلع على المكان اللي بنحب نقعد فيه ٤- الدعم VS الحكم عليه الزوجه التقليديه : - لا طبعا اللي انتا بتعمله ده غلط - على فكره انا قولتلك ان الموضوع ده هيحصل وانتا مسمعتش كلامي - شوفت بقا ما أنا قلتلك الزوج التقليدي : - علشان لما اقولك حاجه تبقي تصدقيها - اشربي بقا - على الله الموضوع ده يتكرر الزوجه الصاحبه : - حبيبي . انا متأكده انك عملت اللي عليك . متقلقش - عاوزاك متفكرش في اي حاجه دلوقتي . - مع بعض هنلاقي حل وان شاء الله ربنا هيفرجها الزوج الصاحب : - تعالي في حضني . عاوز احضنك كتير - متفكريش في الموضوع ده و تعالي معايا انا عازمك على العشا - اللي حصل ده خير وان شاء الله نتعلم منه علشان المستقبل ٥- الاعجاب VS التقطيم الزوجه التقليديه : - شايف جوزها مهنيها ومدلعها ازاي - هوا احنا ليه مش زيهم - انتا ليه مش بتخرجي وتفسحني الزوج التقليدي : - شايفه البنات - انتي تخنتي اوي بجد - حتى التربيه مش نافعه فيها الزوجه الصاحبه : - انا مبسوطه معاك بجد - انا مؤمنه انك هتعمل افضل حاجه لينا - ايه رأيك نحدد يوم في الشهر نتعشى فيه بره مع بعض الزوج الصاحب : - إيه رأيك ننزل نتمشي كل كام يوم ساعتين - أنا حجزت ورشه عمل أساسيات تربويه - إنتي اجمل وأروع زوجه . ربنا يعلم انا بحبك قد ايه 
|
|
28 - 09 - 2017, 10:50 AM
|
رقم المشاركة : ( 3 ) | ||||
|
† Admin Woman †
|
رد: خليكى ناصحه / خليك ناصح
- إيه رأيك ننزل نتمشي كل كام يوم ساعتين
- أنا حجزت ورشه عمل أساسيات تربويه - إنتي اجمل وأروع زوجه . ربنا يعلم انا بحبك قد ايه صح يا قمر ربنا يباركك حببتي |
||||
|
|
|
28 - 09 - 2017, 07:19 PM
|
رقم المشاركة : ( 4 ) | ||||
|
..::| الإدارة العامة |::..
|
رد: خليكى ناصحه / خليك ناصح
ميرسى على الموضوع الجميل رينا ربنا يبارك خدمتك |
||||
|
|
|
01 - 10 - 2017, 04:52 PM
|
رقم المشاركة : ( 5 ) | ||||
|
..::| الاشراف العام |::..
|
رد: خليكى ناصحه / خليك ناصح
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| قف علي ناصيه الحلم وقاتل |
| يوسف كان فاكر إني ناسيه |
| طلبك ربنا مش ناسيه |
| خليك ناصح واكسب السماء |
| خليك ناصح |
العرض العادي
