|
 |
 |
 |
|
رقم المشاركة : ( 1 )
14 - 07 - 2017, 11:51 PM
|
|||||||||||
|
|||||||||||
|
بص يا سيدي .. انا ك بنت جوايا حاجات يمكن تكون مش واخد بالك منها .. لأن طبيعتك الذكوريه مختلفه عن طبيعتي ك أنثي .. يعني في ما بيننا اختلافات ربنا هو اللي خلقها .. ولو فهمتها هتفهمني .. لما بكون عايزه اتكلم واحكي ان شالله لو بالساعات .. ده مش معناه اني رغايه أو فاضيه ومعنديش حاجه اعملها .. ده معناه اني محتاجه اللي يسمعني .. حتي ولو بقول كلام فاضي مالوش لازمه .. انا برتاح لما بتكلم .. فهمت ؟! .. لما بلبس حاجه تكون لايقه عليا وشكلي فيها حلو .. ده مش معناه اني بنت مش تمام و عايزه الفت نظر سيادتك ليا و اخليك تركز ف جسمي .. انا بعمل كده لاني بحب اشوف نفسي حلوه .. طبيعتي بتخليني اهتم ب شكلي وجسمي و لبسي .. علشاني مش علشان حد .. طب اقولك سر .. حتي طريقة " المشي " بتاعتي ملهاش علاقه ابدآ بالمياصه اللي حضرتك بتتهمني بيها .. ده تكوين جسدي مختلف عن تكوينك .. فهمت ؟! .. لما مودي بيقلب فجأه من غير اي اسباب .. ده مش معناه اني نكديه و بحب اتقمص .. ده معناه اني محتاجه حد يقدر يتعامل مع تحولاتي وتقلباتي " الأنثويه " دي بمنتهي الحكمه والفهم .. انا بيعدي عليا ايام كل شهر بكون مش طايقه نفسي " حرفيآ " .. و مخنوقه طول اليوم ومش عايزه اكلم حد .. لما تلاقيني ف الحاله دي متسبنيش وتزهق مني .. خليك جنبي حتي لو مش هتقول حاجه .. وجودك بس هيفرق معايا .. فهمت ؟! .. اكتر حاجه بدور عليها ف مواصفات الشخص اللي هرتبط بيه انه يحبني زي ما انا .. ميشكلنيش علي مزاجه علشان اعجبه .. يحبني ب عيوبي وبالحاجات الحلوه اللي فيا .. وميعتبرنيش حاجه من ممتلكاته اللي ليه الحق انه يتحكم فيها براحته .. بدور علي حبيب لما يوفي يوعد .. ويفضل معايا ميسبنيش .. حبيب يكون بالنسبالي مصدر الأمان .. ميكونش سبب خوفي وقلقي .. حبيب يحبني من جوه . يحب روحي و قلبي .. مش شكلي وجسمي .. علشان كده بقلق جدآ لما بشوف واحد من معشر الرجال جاي يطلب ايدي "جواز صالونات" وهو ميعرفش حاجه عني غير انه شافني ف فرح صاحبتي .. يعني اكمن الفستان كان مظبوط علي جسمي مثلآ الأخ حبني من اول نظره ؟! .. طيب يعرف ايه عني .. يعرف بحب ايه وبكره ايه ؟ .. يعرف نفسيتي مؤهله دلوقتي للارتباط ولا لأ ؟ .. يعرف يحتويني و يطمني و يطبطب عليا ؟ .. يقدر يسندني و يكملني و يحبني من كل قلبه ؟ .. ولا عجبته وجاي يشتريني ب فلوسه وشقته ؟ _ انا طلباتي بسيطه .. محتاجه حد يسمعني .. وعين متجرحنيش .. و ايد تسندني .. وقلب يحبني زي ما انا .. وحضن يضم ويطمن و يهون عليا كل حاجه بتوجعني .. فهمت ؟! _ 💔 
|
|
العرض الشجري