اوعى تسيب كنيستك

[walaa farouk]

طيب خليني أوضحلكم حاجة مهمة.....
الناس اللي شايفة ان كل الإكليروس بقوا وحشين و التعامل معاهم بقى صعب وليهم تصرفات مش صح..... خليني اوضحلكم إن #قيافا كان فريسي و رجل دين و #نيقوديموس كان فريسي و رجل دين.... واحد فيهم حكم على المسيح بالموت و التاني كفن المسيح بأغلى الأكفان و دفنه....
#يهوذا كان تلميذ للمسيح و #بطرس كان تلميذ للمسيح.... يهوذا #خان المسيح و باعه و بطرس #دافع عن المسيح في البستان لحظة القبض عليه
#يوحنا كان تلميذ للمسيح #وبطرس برضو كان تلميذ.... بطرس أنكر المسيح قصاد #جارية و يوحنا وقف تحت #الصليب واخد العدرا معاه......
كل دول في نظرنا دلوقتي إسمهم ( #إكليروس ) لكن مش كلهم ذي بعضهم.... انا شخصياً شوفت الأب الكاهن اللي على صورة المسيح و شوفت الكاهن #الموظف.... شفت الكاهن اللي قلبه كبير و شفت الكاهن اللي مايعرفش غير #مصلحته.... عمر ما كانت التصرفات دي ليها علاقة بالكهنوت.... التصرفات دي تصرفات #شخصية مالهاش دعوة بالكهنوت ك(سر) مقدس.... اوعى تسيب كنيستك علشان تصرف شخصي.... كنيستك هي #بيت_ابوك اللي لك ورث فيه.... الكتاب شبهني و شبهك بأننا أبناء و وارثين في مجد المسيح.... فأرجوك.... أفصل كويس بين تصرفات أي شخص و بين الكهنوت كسر.... وأوعى تسيب كنيستك علشان أي حد مهما كان مين...