إضحكوا بس في وشنا و قولولنا فرجُه قريب

[Rena Jesus]

عادي بيحصل في أوقات إنك تصحى الصبح متبقاش قادر و لا عايز تقوم من النوم و لا تعيش يوم كمان .

بيحصل إنك بتنسى أو تكسل تضحك في وش الناس و تحس إنك not interested ,, not caring
أو أي حاجة شبه دي يعني ،
عادي جدًا إنك تحس قلبك تقيل تقيل تُقل مش طبيعي ، عقلك مش قادر يفكر أصلًا .

ما بتكملش كتاب ، ما بتكملش فيلم ، مش بتستمتع بصحبة أصحابك
و ممكن تفضل يا ساكت أوي يا مبتطبطلش كلام ،
عادي تتغير لشخص تاني إنت نفسك مش قادر تتأقلم معاه ولا ترجع نفسك زي الأول .

لو شفتونا كدة متقعدوش تقولوا إنتم إتغيرتم أو فين بتاع زمان أو كدة ،
لأ مش محتاجين نسمع الكلام دة عشان إحنا عارفينه !
إضحكوا بس في وشنا و قولولنا فرجُه قريب ؛)