منتدى الفرح المسيحى  


العودة  

إضافة رد
 
أدوات الموضوع انواع عرض الموضوع
  رقم المشاركة : ( 1 )  
قديم 19 - 02 - 2017, 04:53 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 349,030


بص يا سيد الناس،

حضرتك كزوج مش عارف تفك شفرة مراتك - زي ملايين الأزواج مافشلوا ف كده عادي - هيبقى اهتمامك، على الأقل، إنك تفهم فشلت ليه..
هحاول اقولك ليه..

في مجموعة حقائق حضرتك فاكر نفسك عارفها و فاهمها.. لكن الواقع إنك مش عارفها ولا فاهمها زي مانت متخيل.. ركز معايا

*حقيقة رقم واحد:
في معلومة بيولوچية سيادتك أخدتها باستخفاف و سطحية جديرة بالعقاب..
الحقيقة دي ان الستات مختلفين عنك تماما..
مختلفين لدرجة تكاد تخليهم species تاني غيرك كراجل.. و أنت بمنتهى عدم الإدراك و الاستهتار المُشين بتتعامل معاهم بتلقائية و براءة زي مابتتعامل مع إسلام و معتز و كريم..

*حقيقة رقم اتنين:
في 3 أوقات ف حياة الست بيتمحور حواليهم جزء كبير من حياتها.. و الـ 3 اوقات دول لازم تذاكرهم كويس عشان مصلحتك و صحتك و فلوسك و عيالك..
الوقت الأول:
وقت التبويض.. و ده بيكون في الـ 4 أو 5 أيام اللي ف منتصف الدورة الهرمونية للست..
حاول ماتشوفش التبويض شيء بيولوجي بحت.. لأنه في جزء كبير نفسي..
وقت التبويض بيكون جسم الست مليان إستروجين و بروجيستيرون.. و دول هرمونات الأنوثة اللي بينعنشوا دواخلها النفسية جدا..
وقت التبويض هو وقت مائل للسعادة عند معظم الستات..
هو ده الوقت اللي تضرب فيه ضربتك..
تطلب حلة محشي..
تطلب منها تشتري هدية و تزور أمك..
تطلب منها تسلفك 1000 جنيه مثلا..
تطلب منها تخرج مع أصحابك و تسهر معاهم ف الويك إند..
أو حتى تطلب منها تسيبك just to be..
انت و احتياجاتك بقى..
وقت التبويض شحيح و آخره كام يوم.. بلاش لكاعة و حاول تنجز ف طلباتك قبل ما الدنيا تغيم عليك..

الوقت الثاني:
وقت الـ PMS المخيف!!
و ده بيجي بعد وقت التبويض بكام يوم..
الـ PMS دي اختصار Premenstrual Syndrome.. و ترجمتها: (أعراض ماقبل الطمث)....
لأسباب طبية غير معروفة بالظبط الى الان (بس ليها علاقة بنقص الأستروجين و البروجيستيرون)، الستات ف التوقيت ده بتبقى قرفانة من نفسها و من حياتها و من الدنيا و العيشة و الناس و الأبعاد الأربعة و الأكوان الموازية..
هرموناتها بتبقى عاملة معاها الصح..

بيكون الاستروجين و البرجيستيرون بدأوا يقلوا ف جسمها و تلاقيها عاملة زي الكومبيوتر لما توصل فيه فلاشة متڤيرسة..
أنت كزوج متزوج حديثا هتتخض ياعيني..
و هتلاقي حاجات غريبة بتحصل و انت بتحدق فيها فاغراً فاك في دهشة و ذهول..
أمثلة للحاجات الغريبة: فجأة هتلاقيها بتتلكك على أي حاجة عشان تتخانق أوي و تزعق..
و فجأة هتسكت و تكتئب!
و بعدين تلاقيها تنحت شوية و تحس إنها فصلت من الوعي الحياتي.. و فجأة بخ! ،، تفتح ف العياط!
بعد شوية تلاقيها مشيت زي الزومبي للتلاجة و هجمت على أي حاجة مسكرة أوي أو أي حاجة حادقة اوي، حسب توجهاتها ف الحياة..

ماتحاولش تفهم في ايه ولا تسألها ولا تتكلم جنبها بصوت عالي ولا تفتح معاها أي مواضيع..
حاول تاكل عيش و تربي العيال و انت ساكت.. أي محاولات رخامة أو استنطاع أو استفزاز، ممكن جدا ترشق فيك سكينة و انت نايم..

و الحالة دي بتستمر أد ايه؟؟
بتستمر اسبوع او 10 أيام كده لحد ما هرمون لطيف اوي اوي اسمه FSH يرجع يندع ف دماغها تاني و يحفز الاستروجين و البروجيستيرون إنهم يسأسأوا ف دمها..

التوقيت التالت:
ده توقيت الطمث اللي كلنا عارفينه.. مش هتكلم عنه كتير.. بص هنصحك نصيحتين..

-أملى التلاجة آيس كريم و شوكولاته و بيتزا و مخللات و كيتوفان و بروفين و كتافاست و حقنتين فولتارين 100مجم احتياطي.. ماتستخسرش الفلوس و ماتسترخصش.. الفلوس اللي هتستثمرها ف الحاجات دي ممكن تنقذك من بلاوي..

-خليك جنبها بس من غير زن و طلبات.. اديها احساس انك متواجد و ارسم على وشك ابتسامة حاول انها تبان صادقة.. طبطب عليها كتيييييييير.. احضنها على أد ما ربنا يقدرك.. أول يوم ف الطمث حاول تشتري أكل من برة عشان ماتخليهاش تطبخ.. ده بردو استثمار هينفعك جدا..

ها؟ استوعبت الحقائق اللي فوق دي كويس؟؟
تعال بقى أعرفك شوية من احتياجات "معظم" الستات..
-----------------

الاحتياجات النسوية:

1-النساء تتغذى و تقتات على الإحساس بالأمان..
هتحس معاك بالأمان ازاي؟
إنها بصفة عامة تكون مقتنعة إنك بتحبها و بتخاف عليها..
طب تقنعها ازاي بالموضوع ده؟؟
في طريقة سهلة، إنك تكون بتحبها و بتخاف عليها فعلا، و في طريقة صعبة شوية و محتاجة مهارة لو مش بتحبها للدرجة يعني..
إيه هي الطريقة دي؟؟
عادي خاف عليها عن طريق القليل من الغيرة الحميدة و القليل من الأسئلة عن صحتها و يومها مع قليل من كلمة "بحبك" بشوية إحساس هتؤدي الغرض بنجاح..
هتقولي ماهي هتحس إني بمثل و بتاع؟
هقولك عادي نسبة كبيرة من الزوجات بتكون عارفة إن جوزها بيمثل و تقنع نفسها إنه صادق و هتحس بالأمان و تتبسط بردو مايهمكش..

2-النساء تتغذى و تقتات و تنتعش على الاهتمام النوعي اللصيق و المتتابع..
يعني ايه نوعي؟
يعني مش نفس التصرفات و طريقة الاهتمام اللي عملتهم مع هدير و فرحتها، بالضرورة لو عملتهم مع نهال هتفرح..
أينعم هدير و نهال كـ Concept بيحبوا الاهتمام، بس كل واحدة فيهم ليها مفتاح و طريقة..
استخدم غريزة الصياد جواك عشان تعرف مفتاح مراتك إيه و تستخدمه بذكاء..

3-الزوجات بيحبوا التلامس البريء أكتر من التلامس الغير بريء اللي انت بتحبه للأسف..
الزوجة – لسبب غير معروف – تحب أوي إنك تحضنها من غير ماتكون عايز حاجة عيب.. الحضن البريء بالنسبالها شيء أسطوري.. آل إيه عشان بيحسسها إنك بتحب روحها و كينونتها مش جسمها بس..
ملحوظة: مش لازم حضرتك كزوج تستنى لما "تحس" إنك نفسك تحضنها.. لأنك غالبا مش هتحس..

عشان اوضحلك أهمية الموضوع: حب الستات للحضن يقترب قليلا من حب الرجالة للحاجات التانية..

4-الزوجة تحب أوي الزوج اللي يهتم بالعيال كأب.. هي بغريزتها كأم لما تلاقيك مهتم بالعيال بتفرح عشان هي من جواها – لاشعورياً – معتبراهم بتوعها لوحدها و إن انت مجرد آلة تلقيح مش أكتر.. و بالتالي زي ماتقول إنها بتشيل جميلك فوق راسها يعني..

5-الزوجة – لاشعورياً – تحب الراجل اللي يصرف عليها... يارب يكون هيصرف عليها 10000 جنيه بس..
لو متجوز واحدة بتشارك ف مصروف البيت و بتتعامل معاك عادي ف نفس الوقت، احتفظ بيها لأنها كائن أسطوري مجنح لازم تشيله على كفوف الراحة.. الحياة صعبة كلنا عارفين.. بس حاول بقدر الإمكان تسيبلها فلوسها من غير ماتكون كائن طفيلي يتغذي على لحمها و أصرف عليها و شبرقها.. ربنا هيعوضك و الله..

6-الزوجة لازم لازم لازم تحس إنها أنثى جميلة و محبوبة و مرغوبة.. و لو حضرتك ماكنتش المصدر اللي يحسسها بكدة، غالبا هيحصل حاجة من اتنين:
-هتجف و تذبل و تنطوي و تتحول تدريجيا إلى جثة منزوعة الدماء متساقطة الشعر..
أو
-هيجي واحد رقيع صايع هيحسسها الإحساس ده و هتضعف معاه..

7-كل زوجة هي مشروع أم إلى أن تلد..
طب نستفيد من المعلومة دي ازاي؟
حاول تشبع جواها غريزة الأمومة من ناحيتك..
حسسها إنك محتاج "تفضفض" معاها عشان مش بترتاح غير معاها هي و بس..
حسسها إنك بتحب تاكل من إيديها حتى لو الشيف الشربيني بنفسه هو اللي اترجاك عشان يطبخلك بنفسه..
حسسها إن هدومك تحرم عليك لو مش هي اللي غسلتها و كوتها ب إيديها الحلوين..
حسسها إنك تضيع من غيرها ف غياهب الحياة و الكون..
لو انت من نفسك بمعجزة ما بتحس الحاجات دي مع مراتك يبقى خير و بركة..
طب لو مابتحسهاش؟؟
عادي، هو انا بطلب منك تحسها انت؟؟
أنا بطلب منك تحسسها هي بكده..

الزوجة ممكن تكون قطة شيرازي تستمد حياتها من التمسح فيك و تسيبك تزقطط مع أصحابك و تعيش ف الـ Comfort Zone بتاعتك في سلام، و ممكن تكون أفعى أناكوندا شرسة تبلعك مع شوية عصير عشان تضمن إنك موجود معاها علطول..
الموضوع ف إيدك تماما يا برنس..

بص يا سيد الناس،

حضرتك كزوج مش عارف تفك شفرة مراتك - زي ملايين الأزواج مافشلوا ف كده عادي - هيبقى اهتمامك، على الأقل، إنك تفهم فشلت ليه..
هحاول اقولك ليه..

في مجموعة حقائق حضرتك فاكر نفسك عارفها و فاهمها.. لكن الواقع إنك مش عارفها ولا فاهمها زي مانت متخيل.. ركز معايا

*حقيقة رقم واحد:
في معلومة بيولوچية سيادتك أخدتها باستخفاف و سطحية جديرة بالعقاب..
الحقيقة دي ان الستات مختلفين عنك تماما..
مختلفين لدرجة تكاد تخليهم species تاني غيرك كراجل.. و أنت بمنتهى عدم الإدراك و الاستهتار المُشين بتتعامل معاهم بتلقائية و براءة زي مابتتعامل مع إسلام و معتز و كريم..

*حقيقة رقم اتنين:
في 3 أوقات ف حياة الست بيتمحور حواليهم جزء كبير من حياتها.. و الـ 3 اوقات دول لازم تذاكرهم كويس عشان مصلحتك و صحتك و فلوسك و عيالك..
الوقت الأول:
وقت التبويض.. و ده بيكون في الـ 4 أو 5 أيام اللي ف منتصف الدورة الهرمونية للست..
حاول ماتشوفش التبويض شيء بيولوجي بحت.. لأنه في جزء كبير نفسي..
وقت التبويض بيكون جسم الست مليان إستروجين و بروجيستيرون.. و دول هرمونات الأنوثة اللي بينعنشوا دواخلها النفسية جدا..
وقت التبويض هو وقت مائل للسعادة عند معظم الستات..
هو ده الوقت اللي تضرب فيه ضربتك..
تطلب حلة محشي..
تطلب منها تشتري هدية و تزور أمك..
تطلب منها تسلفك 1000 جنيه مثلا..
تطلب منها تخرج مع أصحابك و تسهر معاهم ف الويك إند..
أو حتى تطلب منها تسيبك just to be..
انت و احتياجاتك بقى..
وقت التبويض شحيح و آخره كام يوم.. بلاش لكاعة و حاول تنجز ف طلباتك قبل ما الدنيا تغيم عليك..

الوقت الثاني:
وقت الـ PMS المخيف!!
و ده بيجي بعد وقت التبويض بكام يوم..
الـ PMS دي اختصار Premenstrual Syndrome.. و ترجمتها: (أعراض ماقبل الطمث)....
لأسباب طبية غير معروفة بالظبط الى الان (بس ليها علاقة بنقص الأستروجين و البروجيستيرون)، الستات ف التوقيت ده بتبقى قرفانة من نفسها و من حياتها و من الدنيا و العيشة و الناس و الأبعاد الأربعة و الأكوان الموازية..
هرموناتها بتبقى عاملة معاها الصح..

بيكون الاستروجين و البرجيستيرون بدأوا يقلوا ف جسمها و تلاقيها عاملة زي الكومبيوتر لما توصل فيه فلاشة متڤيرسة..
أنت كزوج متزوج حديثا هتتخض ياعيني..
و هتلاقي حاجات غريبة بتحصل و انت بتحدق فيها فاغراً فاك في دهشة و ذهول..
أمثلة للحاجات الغريبة: فجأة هتلاقيها بتتلكك على أي حاجة عشان تتخانق أوي و تزعق..
و فجأة هتسكت و تكتئب!
و بعدين تلاقيها تنحت شوية و تحس إنها فصلت من الوعي الحياتي.. و فجأة بخ! ،، تفتح ف العياط!
بعد شوية تلاقيها مشيت زي الزومبي للتلاجة و هجمت على أي حاجة مسكرة أوي أو أي حاجة حادقة اوي، حسب توجهاتها ف الحياة..

ماتحاولش تفهم في ايه ولا تسألها ولا تتكلم جنبها بصوت عالي ولا تفتح معاها أي مواضيع..
حاول تاكل عيش و تربي العيال و انت ساكت.. أي محاولات رخامة أو استنطاع أو استفزاز، ممكن جدا ترشق فيك سكينة و انت نايم..

و الحالة دي بتستمر أد ايه؟؟
بتستمر اسبوع او 10 أيام كده لحد ما هرمون لطيف اوي اوي اسمه FSH يرجع يندع ف دماغها تاني و يحفز الاستروجين و البروجيستيرون إنهم يسأسأوا ف دمها..

التوقيت التالت:
ده توقيت الطمث اللي كلنا عارفينه.. مش هتكلم عنه كتير.. بص هنصحك نصيحتين..

-أملى التلاجة آيس كريم و شوكولاته و بيتزا و مخللات و كيتوفان و بروفين و كتافاست و حقنتين فولتارين 100مجم احتياطي.. ماتستخسرش الفلوس و ماتسترخصش.. الفلوس اللي هتستثمرها ف الحاجات دي ممكن تنقذك من بلاوي..

-خليك جنبها بس من غير زن و طلبات.. اديها احساس انك متواجد و ارسم على وشك ابتسامة حاول انها تبان صادقة.. طبطب عليها كتيييييييير.. احضنها على أد ما ربنا يقدرك.. أول يوم ف الطمث حاول تشتري أكل من برة عشان ماتخليهاش تطبخ.. ده بردو استثمار هينفعك جدا..

ها؟ استوعبت الحقائق اللي فوق دي كويس؟؟
تعال بقى أعرفك شوية من احتياجات "معظم" الستات..
-----------------

الاحتياجات النسوية:

1-النساء تتغذى و تقتات على الإحساس بالأمان..
هتحس معاك بالأمان ازاي؟
إنها بصفة عامة تكون مقتنعة إنك بتحبها و بتخاف عليها..
طب تقنعها ازاي بالموضوع ده؟؟
في طريقة سهلة، إنك تكون بتحبها و بتخاف عليها فعلا، و في طريقة صعبة شوية و محتاجة مهارة لو مش بتحبها للدرجة يعني..
إيه هي الطريقة دي؟؟
عادي خاف عليها عن طريق القليل من الغيرة الحميدة و القليل من الأسئلة عن صحتها و يومها مع قليل من كلمة "بحبك" بشوية إحساس هتؤدي الغرض بنجاح..
هتقولي ماهي هتحس إني بمثل و بتاع؟
هقولك عادي نسبة كبيرة من الزوجات بتكون عارفة إن جوزها بيمثل و تقنع نفسها إنه صادق و هتحس بالأمان و تتبسط بردو مايهمكش..

2-النساء تتغذى و تقتات و تنتعش على الاهتمام النوعي اللصيق و المتتابع..
يعني ايه نوعي؟
يعني مش نفس التصرفات و طريقة الاهتمام اللي عملتهم مع هدير و فرحتها، بالضرورة لو عملتهم مع نهال هتفرح..
أينعم هدير و نهال كـ Concept بيحبوا الاهتمام، بس كل واحدة فيهم ليها مفتاح و طريقة..
استخدم غريزة الصياد جواك عشان تعرف مفتاح مراتك إيه و تستخدمه بذكاء..

3-الزوجات بيحبوا التلامس البريء أكتر من التلامس الغير بريء اللي انت بتحبه للأسف..
الزوجة – لسبب غير معروف – تحب أوي إنك تحضنها من غير ماتكون عايز حاجة عيب.. الحضن البريء بالنسبالها شيء أسطوري.. آل إيه عشان بيحسسها إنك بتحب روحها و كينونتها مش جسمها بس..
ملحوظة: مش لازم حضرتك كزوج تستنى لما "تحس" إنك نفسك تحضنها.. لأنك غالبا مش هتحس..

عشان اوضحلك أهمية الموضوع: حب الستات للحضن يقترب قليلا من حب الرجالة للحاجات التانية..

4-الزوجة تحب أوي الزوج اللي يهتم بالعيال كأب.. هي بغريزتها كأم لما تلاقيك مهتم بالعيال بتفرح عشان هي من جواها – لاشعورياً – معتبراهم بتوعها لوحدها و إن انت مجرد آلة تلقيح مش أكتر.. و بالتالي زي ماتقول إنها بتشيل جميلك فوق راسها يعني..

5-الزوجة – لاشعورياً – تحب الراجل اللي يصرف عليها... يارب يكون هيصرف عليها 10000 جنيه بس..
لو متجوز واحدة بتشارك ف مصروف البيت و بتتعامل معاك عادي ف نفس الوقت، احتفظ بيها لأنها كائن أسطوري مجنح لازم تشيله على كفوف الراحة.. الحياة صعبة كلنا عارفين.. بس حاول بقدر الإمكان تسيبلها فلوسها من غير ماتكون كائن طفيلي يتغذي على لحمها و أصرف عليها و شبرقها.. ربنا هيعوضك و الله..

6-الزوجة لازم لازم لازم تحس إنها أنثى جميلة و محبوبة و مرغوبة.. و لو حضرتك ماكنتش المصدر اللي يحسسها بكدة، غالبا هيحصل حاجة من اتنين:
-هتجف و تذبل و تنطوي و تتحول تدريجيا إلى جثة منزوعة الدماء متساقطة الشعر..
أو
-هيجي واحد رقيع صايع هيحسسها الإحساس ده و هتضعف معاه..

7-كل زوجة هي مشروع أم إلى أن تلد..
طب نستفيد من المعلومة دي ازاي؟
حاول تشبع جواها غريزة الأمومة من ناحيتك..
حسسها إنك محتاج "تفضفض" معاها عشان مش بترتاح غير معاها هي و بس..
حسسها إنك بتحب تاكل من إيديها حتى لو الشيف الشربيني بنفسه هو اللي اترجاك عشان يطبخلك بنفسه..
حسسها إن هدومك تحرم عليك لو مش هي اللي غسلتها و كوتها ب إيديها الحلوين..
حسسها إنك تضيع من غيرها ف غياهب الحياة و الكون..
لو انت من نفسك بمعجزة ما بتحس الحاجات دي مع مراتك يبقى خير و بركة..
طب لو مابتحسهاش؟؟
عادي، هو انا بطلب منك تحسها انت؟؟
أنا بطلب منك تحسسها هي بكده..

الزوجة ممكن تكون قطة شيرازي تستمد حياتها من التمسح فيك و تسيبك تزقطط مع أصحابك و تعيش ف الـ Comfort Zone بتاعتك في سلام، و ممكن تكون أفعى أناكوندا شرسة تبلعك مع شوية عصير عشان تضمن إنك موجود معاها علطول..
الموضوع ف إيدك تماما يا برنس..
رد مع اقتباس
قديم 19 - 02 - 2017, 05:24 PM   رقم المشاركة : ( 2 )
Rena Jesus Female
..::| الاشراف العام |::..

الصورة الرمزية Rena Jesus

الملف الشخصي
رقــم العضويـــة : 1424
تـاريخ التسجيـل : Sep 2013
العــــــــمـــــــــر :
الـــــدولـــــــــــة : مصر
المشاركـــــــات : 69,644

 الأوسمة و جوائز
 بينات الاتصال بالعضو
 اخر مواضيع العضو

Rena Jesus غير متواجد حالياً

افتراضي رد: التوقيتا ت الثلاثة

جميله جداااااا
ميرسى ربنا يبارك تعب محبتك
  رد مع اقتباس
قديم 20 - 02 - 2017, 12:33 PM   رقم المشاركة : ( 3 )
Mary Naeem Female
† Admin Woman †

الصورة الرمزية Mary Naeem

الملف الشخصي
رقــم العضويـــة : 9
تـاريخ التسجيـل : May 2012
العــــــــمـــــــــر :
الـــــدولـــــــــــة : Egypt
المشاركـــــــات : 1,207,342

 الأوسمة و جوائز
 بينات الاتصال بالعضو
 اخر مواضيع العضو

Mary Naeem متواجد حالياً

افتراضي رد: التوقيتا ت الثلاثة

توبك جميل
ربنا يباركك
  رد مع اقتباس
قديم 20 - 02 - 2017, 04:36 PM   رقم المشاركة : ( 4 )
walaa farouk Female
..::| الإدارة العامة |::..

الصورة الرمزية walaa farouk

الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 349,030

 الأوسمة و جوائز
 بينات الاتصال بالعضو
 اخر مواضيع العضو

walaa farouk متواجد حالياً

افتراضي رد: التوقيتا ت الثلاثة

ميرسى كتير على مروركم الغالى
  رد مع اقتباس
قديم 20 - 04 - 2017, 07:23 PM   رقم المشاركة : ( 5 )
MenA M.G Male
..::| VIP |::..

الصورة الرمزية MenA M.G

الملف الشخصي
رقــم العضويـــة : 123114
تـاريخ التسجيـل : Aug 2016
العــــــــمـــــــــر :
الـــــدولـــــــــــة : مصر
المشاركـــــــات : 109,860

 الأوسمة و جوائز
 بينات الاتصال بالعضو
 اخر مواضيع العضو

MenA M.G غير متواجد حالياً

افتراضي رد: التوقيتا ت الثلاثة

موضوع أكثر من روعة .. مشاركة جميلة جدا
دائماً فى تقدم ورقى
ربنا يبارك خدمتك
  رد مع اقتباس
إضافة رد

أدوات الموضوع
انواع عرض الموضوع

الانتقال السريع

قد تكون مهتم بالمواضيع التالية ايضاً
الموضوع
في الطوابق الثلاثة إشارة إلى طرق التفسير الثلاثة
الملوك الثلاثة
التلاتة ميم
تلت التلاتة كام ؟؟؟؟؟
التلاميذ الثلاثة


الساعة الآن 12:12 PM


Powered by vBulletin® Copyright ©2000 - 2024