اللعيب والهبله (للبنات فقط)

[Rena Jesus]

اللعيب والهبله :

الولد لما يكون عايز يلعب ببنت ويلاقيها قلقانه او متحفظه :

- يخلي عمتو اللي ف الإمارات تكلمها وتطمنها .
- يخلي امه تطلب تتعرف عليها .
- يطلب مكالمه او مقابله مامتها .

والغريبه ان كله كلام عايم:
- علي فكره ميدو بيحبك وبيحترمك اوي .
- لما انزل م الإمارات بعد عمر طويل هعملك مفاجأه انتي وميدو .
- هو صحيح مش لاقي شغل ولا شقه ولسه آدامه جيش وبلاوي بس لازم تقفي جنبه .

والثقه بقى تزيد اًكتر لما عمتو تكلم مامتها وتقولها انها بتحجز سوسو لميدو !!
علي أساس ان سوسو تلاجه ببابين ،
وطبعا كل ده هيخلي سوسو تثق ف ميدو وتتأكد انه جاد ومش بيلعب وتعيش معاه قصه حب برعايه الست الوالده .
طبعا كل ده كلام ستات مظهرش فيه ولا راجل حتي ميدو .
يبقي مينفعش ياسوسو واتلمي لحد ما يجيلك راجل بجد ويقعد مع ابوكي .

cpd