رسالة من سفير مصر لدى البرازيل للمصريين
الوطن
علق السفير حسام زكي سفير مصر لدى البرازيل، على الأحداث الإرهابية في محافظة شمال سيناء، قائلا: "نقول كمان.. اللي حصل في مصر في 30 يونيو و3 و26 يوليو 2013 قلب ميزان قوى إقليمية كان بيتم الإعداد له قبلها بفترة.. وهو حدث مش سهل بل هو حدث تاريخي.. تداعياته تستمر سنين".
وأضاف "زكي"، في منشور عبر حسابه الشخصي على "فيس بوك"، "من فضلك يا مصري - ياللي نزلت في الأيام دي وأعلنت مطالباتك وانحيازاتك - افهم إن اللي حصل كان ضخم جدًا وأنك طلبت من جيشك يقلب ترتيبة إقليمية ودولية كبيرة.. وأن جيشك ماخذلكش..عمل اللي أنت طلبته وهو عارف أن فيه تمن هيندفع.. والتمن دم أولا وخساير اقتصادية واستقرار الوطن ثانيًا.. فأرجو رجاء حار.. المناحات وتقطيع الهدوم يمتنع.. تحليلات المصطبة اللطيفة والجاهلة في نفس الوقت تمتنع".
واستكمل السفير، "اقطع الطريق أمام الخبثاء اللي كل مهمتهم دلوقتي يقولوا لك: شفت؟ ما قلنا لك من الأول؟ الجيش المصري السبب في اللي بيحصل ده.. هو الجيش مش قادر يحمي ولاده هيحميك أنت إزاي؟ الناس دي لا تعطيها مجال للحديث أصلًا معاك لأن دول إما ضعاف نفوس (مالهمش لزوم دلوقت) أو شغلتهم أنهم يكسروا روحك المعنوية.. إلا لو أنت اللي عايز روحك تنكسر.. انكسر مع السلامة لكن ماتكسرش غيرك لو سمحت..مصر أولًا مصر أخيرًا مصر إلى الأبد.. وطننا.. يعيش فينا أينما نكون..عاش قبلنا آلاف السنين وسيعيش بعدنا ألافًا أخرى.. اللي خان وطنه لا خير فيه أبدًا أبدًا أبدًا.. المجد لشهداء الوطن".
30 - 01 - 2015, 03:37 PM
العرض الشجري