|
 |
 |
 |
|
رقم المشاركة : ( 1 )
11 - 11 - 2013, 06:51 PM
|
|||||||||||
|
|||||||||||
|
كان يوم مميز أوووي  . . صحيت النهارده متأخر أوووي "علي غير العاده" ... إتخضيت الأول "إيه ده المنبه ماضربش وماعملتش غدا " ولسه هاقوم جري ..... . . . . . إتفاجئت بالمنظر ... بصراحه كنت في حالة ذهول ... . . . . لقيت جوزي بيقولي "صباح الخير ياحبي" ..وجايبلي الفطار اللي بحبه لحد السرير وعاملي النسكافيه كمان وبيأكلني بأيده كمان .. ولقيته بيقوللي "ماتستغربيش ياحبيبتي .. أنا هاتفق معاكي اتفاق .. أنا والأولاد عرفنا إنك بتتعبي معانا أوي فقررنا نديكي يوم أجازه كل اسبوع .. يوم ليكي انتي بس .. من غير طبيخ ولا ترويق ولا زن ... سيببلي الولاد النهارده واخرجي مع صحباتك وخدي فلوس اهي ... اعملي كل اللي نفسك فيه" . . . . جريت لبست ... خفت يرجع في كلامه أو أكون بحلم واتصلت بهبه صحبتي وقولت لها تقابلني في المول بعد ساعتين .. . . . روحت الجيم الاول وخرجت منه علي المول و قابلت هبه ..عملنا شوبنج وجبت حاجات كتيببره وجميله .. أول مره انقي اللبس بمزاج من غير مااعد اجري ورا حد وتعالي هنا ياولد وبس يابنت .. ماكنتش عايزه اليوم يخلص وبعدين روحنا شربنا القهوه اللي بنحبها "من غير زن .. من غير ياماما بي بي ... من غير امسكي العيال ... من غير من غير... " وبعد كده جبت الشيكولاته اللي أنا بحبها كلمت جوزي قلت له يجي ياخدني ... ورجعت لولادي بطاقه إيجابيه غريبه تخليني أديهم أكتر من اللي هما محتاجينه دلوقتي ... كل زوج قرا الكلام ده .. ممكن تجاوبني؟ في حاجه عيب أو حرام في الكلام ده؟ ... ده حلم بسيط لستات كتير بس انت مش متخيل كم السعاده والراحه اللي هاتسببها لمراتك لو حققت لها الحلم ده. 
|
|
العرض الشجري