|
 |
 |
 |
|
رقم المشاركة : ( 1 )
12 - 07 - 2026, 12:40 AM
|
|||||||||||
|
|||||||||||
|
من أكتر الأسئلة اللي بنسمعها: "إزاي الله يتصلب ويموت؟ وإزاي يقبل على نفسه كده؟" كتير مننا ميعرفش ان طبيعة المسيح طبيعة مختلفة .. هو مش إنسان فقط ولا إله فقط لكنه إله متجسد.. طبيعة واحدة من طبيعتين اللاهوت (الله) والناسوت (الإنسان) البابا كيرلس الأول، عمود الدين، من أشهر الآباء اللي شرحوا سر اتحاد اللاهوت بالناسوت بتشبيه بسيط جدًا... اتحاد الحديد بالنار 🔥 تخيل قطعة حديد دخلت النار. بعد شوية الحديد يبقى أحمر متوهج، ولو لمسته يحرق، وينور زي النار. لكن اسأل نفسك: هل الحديد بقى نار؟ ❌ وهل النار اتحولت لحديد؟ ❌ لا... كل واحد احتفظ بطبيعته، لكن حصل اتحاد حقيقي بدون اختلاط أو امتزاج أو تغيير. ولو طرقت بمطرقة على قطعة الحديد المتحدة بالنار .. هل النار اتأثرت بالضرب عليها ؟؟ اكيد لأ .. اللي اتأثر بالضرب هو الحديد فقط ولكن النار لم تتأثر. وده اللي حصل في السيد المسيح. اللاهوت لم يتحول إلى ناسوت، والناسوت لم يتحول إلى لاهوت، لكن الطبيعتين اتحدتا في طبيعة واحدة في شخص ربنا يسوع المسيح. ولما المسيح اتصلب ومات ... ❌ اللاهوت ما ماتش. ❌ واللاهوت ما اتألمش بطبيعته الإلهية. لكن الذي تألم ومات هو الجسد اللي أخذه الإله المتجسد لأجل خلاصنا لأن اللاهوت غير قابل للموت إذاً الصليب لم يكن ضعفًا من الله... ✝️ بل كان أعظم خطة لخلاص الإنسان وأعظم إعلان لمحبته للبشرية. "لَيْسَ لأَحَدٍ حُبٌّ أَعْظَمُ مِنْ هذَا: أَنْ يَضَعَ أَحَدٌ نَفْسَهُ لأَجْلِ أَحِبَّائِهِ." (يوحنا ١٥: ١٣) علشان كده العالم اللي مش فاهم ده واللي متمتعش بالخلاص ممكن يشوف الصليب ضعف وإهانة.. لكن بالنسبة للمؤمن اللي فاهم خطة الخلاص فهو عارف ان الصليب فيه قوة الله.. زي ما قال بولس: فَإِنَّ كَلِمَةَ الصَّلِيبِ عِنْدَ الْهَالِكِينَ جَهَالَةٌ، وَأَمَّا عِنْدَنَا نَحْنُ الْمُخَلَّصِينَ فَهِيَ قُوَّةُ اللهِ (١كو ١ : ١٨) 
|
 |
|
العرض العادي
