صدق ان فى يوم مخصوص علشانك ربنا يثبتك فيه ويقويك

[مورا مرمر]

أما توما ، أحد الاثني عشر ، الذي يقال له التوأم ، فلم يكن معهم حين جاء يسوع
25 فقال له التلاميذ الآخرون : قد رأينا الرب . فقال لهم : إن لم أبصر في يديه أثر المسامير ، وأضع إصبعي في أثر المسامير ، وأضع يدي في جنبه ، لا أومن
26 وبعد ثمانية أيام كان تلاميذه أيضا داخلا وتوما معهم . فجاء يسوع والأبواب مغلقة ، ووقف في الوسط وقال : سلام لكم
27 ثم قال لتوما : هات إصبعك إلى هنا وأبصر يدي ، وهات يدك وضعها في جنبي ، ولا تكن غير مؤمن بل مؤمنا
28 أجاب توما وقال له : ربي وإلهي
29 قال له يسوع : لأنك رأيتني يا توما آمنت طوبى للذين آمنوا ولم يروا


حاسة اني لو كنت مكان توما كنت هفكر بنفس طريقته خصوصا لو كنت عرفت انه ظهر لكل التلاميذ وانا لا ..

ويمكن كنت قولت جوا نفسي هو انا لو شوفته زي التلاميذ هعرفه ازاى انه هو ..

يمكن كنت احب اتاكد بعيني وهحط علامات فى دماغى تثبت لما اشوفه انه هو دا يسوع زي اني اشوف بعيني واتاكد من أثر المسامير..

ويمكن كنت اسال اشمعنا هما وانا لا .. بس اللى معرفوش ان ربنا بيجهز يوم علشاني يوم ليا انا يثبت فيه إيماني ..


وصحيح ربنا بيدعونا للايمان والثقة فيه وقال "طوبى لمن آمنوا ولم يروا"..

بس بردو بيهتم بايماني وبايمان كل المتشككين
وحتى الادلة اللى طلبها توما ربنا بينها له كأنه بيقول للمتشككين أمثالي "انا فعلا حي وجروحي تعلن عن قيامتي وصدقى اني قمت من الأموات وحقيقى ليكي حياة أبدية إذا امنتى بيا"

ويمكن فى حته الإيمان دي بالذات ربنا بيهتم بيها اوي حتى احيانا لما بنكون فاكرين ان ايمانا قوي رغم انه ممكن يضعف
زي مثلا بطرس اللى كان واثق من نفسه أنه سيضع نفسه مكان المسيح لكن فى الوقت نفسه يسوع كان بيصلي لأجله كي لا يفنى إيمانه

اللى عايزه اقوله ان يسوع مهتم بيا وبايماني وبايمان توما و بايمانك بيصلى علشان لا يفنى إيماننا وعلشان يثبتنا زي توما

والكنيسة اصلا بتعمل فى الخمسين المقدسة احد مخصوص لتوما ..كأن توما موضوع خاص لربنا وله يوم خاص به ..يوم يثبت فيه إيمانه ولا يكون غير مؤمن بل مؤمنا

وفى اوقات كتير على مستوى شخصي ربنا كمان بيظهر ويعلن حبه وقيامته ليا بكل الطرق لكي لا اكون غير مؤمنة بل مؤمنة ..وانت كمان صدق ان فى يوم مخصوص علشانك ربنا يثبتك فيه ويقويك


بصلي يارب تثبت ايماننا
ولما نضعف تقوينا وتشفينا وثبتنا فيك كأغصان حية أنت أيها الكرمة الحقيقية
وتستخدمنا فى الخدمة و تعطينا الشجاعة ان نشهد بحقك وقيامتك
مثل توما و تملانا من روحك القدوس ليعلمنا كل شئ ..امين

[Mary Naeem]

مشاركة في قمة الجمال

ربنا يبارك حياتك