|
 |
 |
 |
|
رقم المشاركة : ( 1 )
اليوم, 01:20 PM
|
|||||||||||
|
|||||||||||
|
ماتخافش انا معاك اب يعود للحياه من تانى 😳 ادم طفل عنده ١٢ سنه والده اتوفى فى حادثه عربيه ، هو الولد الوحيد وكان متعلق جدا بابوه ، لما التلفزيون عمل معاه لقاء قالهم " بابا كان دايما بيقولى ماتخافش انا معاك 😇" فى كل مكان دايما كنت بلاقيه لو وقعت القاه هو ساندنى ، مره صحيت من النوم خايف لاقيته جنبى ضحكت ونمتى تانى جوه حضنه .. 😍 مره تانى وانا باكل شرقت لاقيته شالنى وخبط على ضهرى لغايه ما عرفت اخد نفسى كويس 😟.. لما سابنى وسافر السما زعلت فى الاول لكن دايما كنت اسمع صوته فى ودانى بيقولى ماتخافش انا معاك 😇 لما حد كان بيضايقنى كنت اروح اقوله وكان بيجيبلى حقى دايما .. من اسبوع ماما بعتتنى اجيب حاجه من البقال جارنا وعطيتله ٢٠٠ جنيه ورجعلى باقى ١٠٠ قولتله انا مديلك ٢٠٠ جنيه ولما الحوار شد مابينا زعق فيا وقالى غور من هنا وزقنى .. ساعتها اتمنيت بابا يكون موجود ، وقفت فى الشارع كنت بعيط جامد وكنت بحلم ان ده يكون كابوس وبابا يكون جنبى حقيقى لكن اللى حصل كان حلم مستحيل اتخيل انه يحصل لكنه حصل .. لاقيت راجل جه وحط ايديه على كتفى وقالى بتعيط ليه ؟؟ حاكيتله ، فا قام مطبطب عليا وقالى " ماتخافش انا معاك 😍" انا تلقائى عيط وحضنه اوووى ، حسيته ابويا بجد .. وفعلا عمو ده جابلى حقى من البقال .. عزيزى القارىء الخلاصه اللى عاوز اقولها ان فى ناس محتاجين السند اللى فقدوه سواء اب او ام او صاحب لما تشوف حد ضعيف ارجوك بلاش تستقوى عليه وتفرد عضلاتك عليه لمجرد انك متاكد انه مش هايتكلم ولا ينطق لانه وحيد وضعيف .. خليكم رسل السلام للضعيف خليكم ملايكه الرحمه لليتيم بلاش تيجو على حد مالوش ضهر لان ده بيكون ضهره وسنده وابوه ربنا وانت مش قد ربنا .. 
|
|
| قد تكون مهتم بالمواضيع التالية ايضاً |
| الموضوع |
| قدني معاك لعمقا تاني قدني معاك يا روح رباني |
| خد خطوة وثق إنه معاك ماتخافش |
| كمل هو معاك ماتخافش |
| واللحظة معاك شكل تانى |
| انا نفسي معاك تانى اتكلم |
العرض الشجري