|
 |
 |
 |
|
رقم المشاركة : ( 1 )
يوم أمس, 01:52 PM
|
|||||||||||
|
|||||||||||
|
موقف غير حياتى تماماً.. أفتكر مره زمان وانا صغير كان فى راجل غلبان قوى وطيب جداً وكلنا كنا بنحبه ، دايماً بيقعد قدام المدرسه ، الراجل ده كان عنده قفص كبيره وعامله فرشه وحاطط عليه علب بسكوت وحلاوه وشبسى .. المهم فى يوم كنا طالعين من المدرسه وكنا زحمه جامد عنده عشان نشترى ، فجأه جات البلديه بعربية نقل وعربيه بوكس فيها عساكر وخدو منه البضاعه كلها بالقفص وعملوله محضر عشان فارش فى الشارع .. الراجل من كتر حزنه أغمى عليه فى الشارع وفضلنا نفوق فيه لغاية مافاق .. افتكر ساعتها قولتله الحمدلله انك كويس .. قالى كلمه مستحيل أنساها .. قالى بتحمد ربنا على ايه ؟؟ يارتنى ماكنت كويس ، يارتنى كنت موت ولا كنت شوفت اليوم ده .. اصرف على عيالى منين دلوقتى ، دانا ماحلتيش حاحه ، ليه ربنا عمل كدا ..؟؟ الكلمه بتعته أثرت فيا جداً جداً ، وفضلت أسال نفسى ، هو ليه ربنا عمل كدا ، يعنى هو ناقص مثلاً؟؟ ده غلبان وماحيلتهوش حاجه ، ده بدل ما يساعده ، يقوم يعمل معاه كدا ويبهدله اكتر .. الكلام ده كان يوم سبت ، واحنا كنا بناخد الحد أجازه ، روحت المدرسه يوم الأتنين ، لاقيت حاجه غريبه جداً .. لاقيت إدارة المدرسه عملت كُشك كبير للراجل ده يقعد فيه ويبيع حاجاته ، ده غير ان إدارة المدرسه ساهمت فى تمويل أول طلبية بضاعه تتحط فى الكشك .. يوميها كلنا فرحنا قوى ، بس ساعتها كانت فرحتى مختلفه ، فا روحتله وقولتله .. عرفت ليه ربنا عمل كدا 😉😉.. ربنا عمره ما يهد حاجه الا وكان محضر حاجه اعظم منها 😍.. 
|
 |
|
العرض العادي
