❤️بمناسبة عيد الحب يحكى سيدنا الانبا بافلى قصة حقيقة تهز القلب ❤️‍🔥 حب أقوى من الخيانة

[لمسة يسوع]

❤️بمناسبة عيد الحب يحكى سيدنا الانبا بافلى قصة حقيقة تهز القلب
❤️‍🔥 حب أقوى من الخيانة…

في يوم من الأيام، كان فيه كاهن لسه مرشوم جديد في الكهنوت، وبدأ خدمته بالافتقاد زي أي أب كاهن بيزور بيوت شعبه.

خبط على باب بيت…
فتحت له سيدة كبيرة في السن، وعينيها مليانة تعب.

قالت له بهدوء موجع:
💔 "جوزي بيخوني… وكمان جوه بيتنا."

اتصدم أبونا جدًا، واتضايق وغضب وقال لها:
"طب افتحي ملف وأنا أديكي جواب…
سيبيه!"

لكن ردها كان صادم…

قالت بكل بساطة:
❤️ "أنا بحب جوزي… ومش عايزة أسيبه."

استغرب أبونا جدًا وقال في نفسه:
"طيب طالما مش هتسيبيه… بتحكيلى ليه؟"
وعدّى الموقف… ومع الوقت نسي القصة كلها.

⏳ وبعد سنتين…

الخدام بلغوه إن السيدة دي أصيبت بالسرطان.
راح يزورها علشان يطمن عليها.

أول ما دخل البيت… لاحظ حاجة غريبة!
حبل نازل من السقف لحد الأرض!

عدّى الموضوع أول زيارة…
وتاني زيارة…
لكن في المرة التالتة مقدرش يسكت.

قال لها:
"مش هناولك غير لما تقوليلي سر الحبل ده!"

وهنا كانت الصدمة التانية…

ابتسمت وقالت:
🙏 "كنت وأنا سليمة بعمل مطانيات لربنا من أجل جوزي… ودلوقتي تعبانة ومش قادرة أنزل لوحدي، فبمسك في الحبل علشان أعرف أسجد وأصلي وأقول: يارب خليك مع جوزي."

بعد أيام قليلة… انتقلت السيدة.

وأثناء الصلاة اقترب أبونا من الجسد…
وفجأة شم رائحة طيب عجيبة… ريحة سلام سماوي ما شمّهاش قبل كده.

🌙 وبعد شهرين…

ظهرت له في حلم وقالت:
"يا أبونا… أنا بشكر جوزي."

اتعجب وسألها:
"بتشكريه على إيه؟!"

قالت:
✨ لأنه كبر إكليلي والمجد اللي أخدته في السماء… أنا احتملت بمحبة. أرجوك قوله إني بحبه."

…
جوزها ده نفسه راح لأبونا بعد صلاة الثالث وقال له:
"شوفلي عروسة أتجوزها…"
بعد الحلم ده راح ابونا حكى لجوزها الحقيقة…
وقتها بس بدأ يفهم معنى الحب اللي كان عايش معاه وما قدرهوش ورجع للكنيسة وربنا.

💬 الرسالة:
مش كل حب ضعف…
أحيانًا الحب الحقيقي هو قوة احتمال وصلاة في الخفاء لا يراها إلا الله.

[Mary Naeem]

رووووووووووعة
ربنا يفرح قلبك