|
 |
 |
 |
|
رقم المشاركة : ( 1 )
03 - 11 - 2025, 09:37 PM
|
|||||||||||
|
|||||||||||
|
عارف لما تستني حد يعمل موقف يفرحك؟ وتقول لنفسك المره دي مش هاقول المره دي مش هاتكلم علشان حد يعمل لا أنا هاستني وفجاءه تكتشف ان اقل موقف مش بيتعمل وأقل فكره ممكن تحاسسك باهتمام مش بتتعمل وتكتشف انك لو معملتش مافيش حاجه هاتتعمل ليك لوحدها عارف لما تبقي لازم تكون (فعل) علشان تاخد ( رد فعل) وتقول لنفسك اصبر المره دي ماتستعجلش ادي فرصه للي قدامك يفكر يقدملك حاجه يمكن انت السبب انت اللي مش مدي فرصه ولما تدي الفرصه تلاقي فجاءه مافيش حاجه اتعملت ساعتها بتشعر بشعور اسمه ( الاغتراب) وده شعور اصعب من شعور ( الغربه) لان شعور الغربه هو انك تعيش غريب وسط ناس غُرب عنك لكن شعور الاغتراب هو شعور الغربه وسط اقرب الناس ليك نصيحه قدم اللي في قلبك وماتعشمش فحاجه واقبل اللي خارج من قلوب الناس من غير ماتقولهم نفسي تعملوا كذا ليا لان لما بتقول ويعملوا بتبقي بايخه سيب كل واحد يقدملك اللي عنده ليك القليل اشكره والكتير اشكره واللي مقدمش بردو اشكره ولو بقيت غريب وسط ناس غُرب عنك او حاسس باغتراب وسط اقرب الناس ليك أوعي تبقي غريب عن نفسك وعن ربنا أبدا 
|
|
العرض الشجري