كان مستنية يفهم يعنى ايه اخوه |قايين وهابيل

[walaa farouk]

القصة دي بتوجع جدًا، عشان حصلت بين إخوات!
بين اتنين المفروض يكونوا أقرب لبعض من أي حد تاني.
قايين كان شايف إن ربنا قبل تقدمة أخوه وماقبلش بتاعته،
وبدل ما يسأل نفسه ليه، وبدل ما يقرب من ربنا أكتر، اختار يبعد عن أخوه👀
الغيرة خلت عينه تشوف هابيل كعدو، مش كأخ.
ولما الغيرة تدخل القلب، بتكسر الحتة اللي ربنا خلقها فينا للحب🤦‍♀️
والغريب في القصة دي إن قايين بعد ما عمل كده في أخوه،
ربنا ماعاقبوش في ساعتها، لكن سأله:
"أين هابيل أخوك؟"
وكأنه بيقوله: أنا لسه شايفك أخ،
لسه مستنيك ترجع وتفهم يعني إيه أخوّة.
اللي يوجّع أكتر إننا النهارده بنعيش نفس المشهد
بنوجع بالكلمة، بالمقارنة، بالغيرة..
لو كنت النهارده زي قايين، متضايق من نجاح حد أو قربه من ربنا،
ارجع للرب قبل ما الغيرة تكسر جواك صورة الأخوّة.
ولو كنت زي هابيل، اتظلمت من أخوك،
افتكر إن إلهك شايف وهيدافع عنك..