|
 |
 |
 |
|
رقم المشاركة : ( 1 )
21 - 10 - 2025, 09:38 AM
|
|||||||||||
|
|||||||||||
|
اصعب حياه تندم عليها ١.انك توهم نفسك بحياه عمرها ماكانت حياتك وانت عارف ده بس بتحاول تتبسط مع انك عارف انها مش حياتك ٢.انك تعيش وسط ناس لا هما شابهك ولا هايبقوا شبهك هما حلوين بس مش شبهك ٣. انك تفضل تجامل تجامل لحد ما تقع في فخ لا هو بتاعك ولا هو منك ولا هو في حياتك فتتسجن في سجن انك ماينفعش تقول عكس اللي دايما بتقوله فتتطلع وحش ٤. انك تقلل من قيمتك علشان تدي قيمه للي قصادك ففجاءه يدوسك وقيمتك تروح ٥. انك عايش علشان ماتكسفش حد وعمرك ما عرفت تقول كلمه ( لا أنا مش عاوز ) ( لا مش حابب) واضطريت تعمل كل حاجه وفي الاخر بردو تخسر كل حاجه ٦.انك تقول اللي في قلبك وتقول ده ببساطه لكن الحقيقه الايام ابشع مما نتصور والبساطه ساعتها تتحول اني ساذج مش بسيط وسط ده واكتر من عدم حكمه وضغط علشان ترضي اللي حواليك علي حسابك تلاقي نفسك خسرت وتلاقي نفسك محدش قدرك ولا ادالك رُبع اللي انت اديته من حب واهتمام وطاقه وروح وسنده وضهر وتعيش فجاءه مسجون وسط كلمه ( لحد امتي حياتي تفضل كده لحد امتي هافضل اتعامل من كل اللي اديتهم من عمري كده ) يوم ماتكتشف كل ده قدامك حل واحد ( السجود والصراخ) اصرخ لربنا يعلمك الحكمه في كل حاجه يعلمك قيمه الحاجات اللي انت فاكرها عاديه فيك لكن هي فعلا قيمه كبيره يداويك من خسارتك اللي خسرتها بسبب عدم حكمتك ومن الوقت ده تسلم ( شخصيتك ) لربنا وقوله عالجني يارب محدش اذاني محدش جرحني محدش ظلمني أنا يارب اللي اذيت نفسي بعدم حكمه أنا يارب جرحت روحي بسبب اني عشت موهوم أنا يارب اللي ظلمت نفسي اني نسيت قيمتي فيك وثق ان صراخك هايغير فيك حتي لو الظروف فضلت هي هي 
|
 |
|
العرض العادي
