|
 |
 |
 |
|
رقم المشاركة : ( 1 )
14 - 10 - 2025, 08:35 PM
|
|||||||||||
|
|||||||||||
|
في العهد القديم، موسى ربنا قال له: "ابعت ناس يتجسَّسُوا أرض كنعان". وفعلًا موسى عمل كده. ورجعوا الجواسيس بعد أربعين يوم، فضلوا يوصفوا الأرض لموسى وللشعب، ووصفوا أهلها إنهم أقوياء جدًا، وإننا ولا حاجة قدامهم، ومستحيل نِقدر عليهم. من وسط الناس دول كان في اتنين شايفين حاجة مختلفة، هما هوشَع بن نون وكالب بن يفُنَّة. "لكِنْ كَالِبُ أَنْصَتَ الشَّعْبَ إِلَى مُوسَى وَقَالَ: «إِنَّنَا نَصْعَدُ وَنَمْتَلِكُهَا لأَنَّنَا قَادِرُونَ عَلَيْهَا»." (عد 13: 30). هما الاتنين كانوا شايفين إن الموضوع مش مستحيل، وإنهم يقدروا. وفعلًا مرت الأيام، ووعد الله لبني إسرائيل اتحقق، وامتلكوا أرض كنعان. أرض كنعان كانت بمثابة تحدي ليهم. إحنا كمان بنتِحط في ضغوط ومسئوليات وبنتطحن كتير، بس اللي بيفرَّق إنسان عن التاني: أنت شايف ده إزاي؟ مش هاقول لك متتعبش ولا تحبط ولا تعبر عن ضيقك، بس وبعدين بتعمل إيه؟ هل بتتحدى نفسك وبتقول: "كل ده هيعدي"، ولا بتيأس ومش بتكمِّل؟ أشجعك النهاردة تشوف ضغوطك على إنها فرصة جديدة تنجح فيها وتطلع أقوى ومتعلِّم دروس، بدل ما تُحبط وتكتئب. 
|
 |
|
| قد تكون مهتم بالمواضيع التالية ايضاً |
| الموضوع |
| ازاى بتشوف نفسك |
| ما انت عنيك يا رب بتشوف ابعد ما بتشوف عنيا |
| تعرف ازاى ان سمكتك مريضة وتتعامل معاها ازاى |
| علمنى يارب ازاى احبك .. ازاى اتعب علشان خاطرك .. !! |
| عنيك هي كامرتك ... ياتري بتشوف الناس ازاي ؟؟ |
العرض العادي
