|
 |
 |
 |
|
رقم المشاركة : ( 1 )
09 - 10 - 2025, 08:01 PM
|
|||||||||||
|
|||||||||||
|
يا رب، أنا مش واقف قدامك بكلام محفوظ ولا بشوية عبارات اتعودنا نقولها.. أنا واقف قدامك مكسور، عارف إن حياتي مش هتتصلح غير بمعجزة من إيديك إنت. أنا مش ببالغ ولا بهوّل، أنا حرفيًا محتاج قوة فوق الطبيعة. . محتاج لمسة غير عادية تغير الواقع اللي أنا عايشه. يا رب، في حاجات أنا حاولت فيها كتير وفشلت، وفي طرق دورت عليها كتير ومسدودة.. وفي أحلام جريت وراها لحد ما تعبت، وبرضه مش لاقي باب مفتوح. إنت وحدك اللي تقدر تفتح الأبواب اللي أنا مش قادر أفتحها، إنت وحدك اللي تقدر تحرك الجبال اللي قدامي.. إنت اللي بإيدك تغيّر المستحيل لممكن. أنا مؤمن إن معجزتك مش كلام يُقال ولا حكايات بنسمعها عن غيرنا. . معجزتك هي الواقع اللي أنا مستنيه يحصل في حياتي، الواقع اللي هيخليني أشوف نور بعد الضلمة دي كلها. يا يسوع، مش هكلّمك كإله بعيد عني.. أنا بتكلم معاك كأب، كحد شايف دموعي وصوت تنهيدتي قبل ما أقولها.. أنا متأكد إنك سامعني دلوقتي، وإنك مجهز ليا حاجة أكبر من اللي بتخيله. معجزتك فيا مش رفاهية ولا طلب زيادة.. معجزتك هي الحل الوحيد. أنا واثق إنك هتعمل، وفي الوقت الصح هتظهر، وهتشهد حياتي كلها إنك إله المعجزات اللي عمره ما بيخيب الرجاء. 
|
 |
|
| قد تكون مهتم بالمواضيع التالية ايضاً |
| الموضوع |
| الحل الوحيد |
| الحل الوحيد |
| الحل الوحيد |
| الحل الوحيد |
| الحل الوحيد |
العرض العادي
