سلامك هو السبب اللي بيخليني أكمّل رغم قساوة المشهد

[walaa farouk]

غريب يا رب إزاي سلامك بيدخل جوايا كأنه نهر هادي
، رغم إن المشهد اللي قدامي كله ضلمة وحزن وكأن مفيش أمل.
يمكن العيون بتشوف انهيار وتعب،
لكن قلبي بيحس بحاجة مختلفة،
بيحس بحضنك اللي ماليه طمأنينة وسلام.
إزاي بتعرف يا رب تدي ليا راحة في وقت أي إنسان تاني ممكن يضيع؟
إزاي بتدخل في أعماقي وتطفّي نار الخوف وتزرع بدلها يقين؟
يمكن الظروف صعبة
، ويمكن شكلي من برّه متماسك بالعافية
لكن جوايا سلامك عامل زي صخرة ثابتة محدش يقدر يهدها.
شكراً يا يسوع، مش لأن حياتي سهلة، لكن لأنك موجود
. شكراً لأنك اخترت تملاني بالسلام وسط كل العواصف
. شكراً لأنك الضمان الوحيد اللي مفيش حاجة في الدنيا تقدر تخليني أفقده.
سلامك مش نتيجة لمشهد حلو .
. سلامك هو السبب اللي بيخليني أكمّل رغم قساوة المشهد.