|
 |
 |
 |
|
|
|
رقم المشاركة : ( 1 )
06 - 09 - 2025, 09:09 PM
|
|||||||||||
|
|||||||||||
|
يارب.. خليك معايا.. أنا جاي لك مش بإيد مليانة.. ولا بإنجازات أفرح بيها.. جاي لك بقلبي المكسور، وبروحي اللي تعبت من كتر الحمل. خليك معايا وسط الضغط.. لما الأيام تبقى تقيلة أوي ومش لاقي قوة أكمل. خليك معايا وسط الجوع.. جوع الروح اللي نفسها في لمسة حب، في كلمة أمان ، في حضن يطمن. خليك معايا وسط الاحتياج.. لما نفسي تصرخ وتقول: محتاجك يا رب، محتاجك أكتر من النفس اللي داخل وخارج. أنا ضعيف، ومش بخجل إني أعترف بده قدامك.. أنا تايه، ومش لاقي غيرك يدلّني. أنا محتاج، ومفيش حد يسدّ احتياجي غيرك. خليك معايا يا رب.. إديني رجاء جديد.. رجاء يغلب الخوف، ويقهر اليأس، ويخليني أصدق إن بكرة ممكن يكون أجمل. خليني أفتكر إنك عمري ما سبتني، وإنك في عز ظلامي كنت ماسك بإيدي. خليك معايا يا رب.. مش عايز أبص ورايا.. ولا أخاف من قدامي.. عايز عيني تفضل عليك.. ورجائي يفضل فيك.. لحد ما قلبي يرتاح بين إيديك.” 
|
 |
|
| قد تكون مهتم بالمواضيع التالية ايضاً |
| الموضوع |
| خليك معايا ! |
| خليك معايا |
| خليك معايا |
| خليك معايا |
| خليك معايا قربني ليك وقت الالالم خليك معايا |
العرض المتطور