الوعي ساعات بيكشفلي الجرح

[walaa farouk]

الوعي ساعات بيكشفلي الجرح:
مين أذاني… إزاي حصل… قد إيه أنا موجوع.
أقعد أحفر في الماضي… أفتكر كلمة، موقف، خيانة.
وكل ما أغوص أكتر، ألاقي الغضب بيزيد… والرغبة في الانتقام بتولع.
الوعي ورّاني الوجع… بس ما عرفش يشفيني منه.
بس عند الصليب… القصة اختلفت.
الصليب هو النقطة اللي فيها "النهاية" بقت بداية.
نهاية حساباتي مع الناس… بداية غفران أكبر مني.
نهاية دوامة: "أنا لازم آخد حقي"… بداية: "المسيح شال حقي وجرحي".
❝الصليب… النهاية اللي بتبدأ بيها رحلة الشفاء❞ ✝️
الشفاء الحقيقي مش بيبدأ من التحليل…
ولا من إن حد يفهمني أو يفسّرلي.
الشفاء بيبدأ من الغفران إللي نزل من فوق.
غفران أنا أخدته والاستقبلته الأول… فبقيت قادر أديه.
الوعي من غير صليب يخليني عايش في الجرح.
لكن الصليب بيقول: "كملت، اتحست، خلصت".
ومن اللحظة دي، مش بعيش ضحية اللي حصل…
لكن ابن للنعمة اللي غلبت.
❝الوعي يكشف… والغفران يشفي… والصليب يحرّر❞ ✨