هتشوف ليه التأخير كان أحن حاجة حصلت لك

[walaa farouk]

••• الانتظار مش سهل…
خاصة لما تحس إنك واقف في مكانك، والدنيا حواليك بتجري.
طبيعتنا البشرية بتتعب من الصبر، بتستعجل الحل، وبتخاف من التأخير.
لكن اللي اختبر انتظار ربنا بصدق،
يعرف إن جواه كنز مش بيبان في أول الطريق.
في وقت الانتظار، ربنا مش سايبك…
ده بيحضّرك، بينضجك، بيركّب جواك قوة،
وبيجهزلك اللي مفيش غيره يقدر يدهولك.
أوقات كتير بيكون التأخير حماية، والتأجيل ترتيب،
والسكون تدريب على الثقة.
مش أي انتظار هو ضياع وقت،
فيه انتظارات بتخلق أعظم القصص،
وفيه صمت بيخبّي أعظم بركة.
قول لنفسك كل يوم:
أنا مش في طابور ناسي،
أنا في خطة إله فاهمني وبيحبني أكتر من نفسي.
انتظار ربنا مش ضعف… ده إيمان.
إيمان إن اللي جاي من إيده هيفرح قلبي، وهيراضي تعبي،
وهيخلي كل دقيقة استنيتها تستاهل.
فمتزهقش… استنى.
ومتتراجعش… اصبر.
ومتقولش “كفاية”… لأنه بيجهزلك “اللي مفيهوش نُقطة ضعف”.
🤗 أنتظر الرب… لأن في نهاية الانتظار،
هتشوف ليه التأخير كان أحن حاجة حصلت لك.