|
 |
 |
 |
|
|
|
رقم المشاركة : ( 1 )
30 - 08 - 2025, 08:04 AM
|
|||||||||||
|
|||||||||||
 شاف السما مفتوحة.. القديسين حواليه.. والملائكة مستنياه! فاكرين أبونا اللي كان فاتح بيته وقلبه لكل الناس؟ اللي عمره ما قفل بابه في وش حد ، ولا طلب راحة من خدمة المسيح؟ ده مش مجرد كاهن.. ده القمص أخنوخ سمعان، الكاهن القديس اللي عاش للمسيح بجد، وكان نموذج للأبوة الروحية الحقيقية. ✝️ مين هو أبونا أخنوخ؟ • كاهن كنيسة مارمينا بشبرا، سيم كاهناً على يد البابا كيرلس السادس. • خدم في صمت وتواضع، وكان أب اعتراف للغلابة (زي القديسة أم عبد السيد)، وتتلمذ على يديه قديسين كتير. • كان يخدم المسلمين والمسيحيين بكل حب، وفي أي وقت يفتح بيته للناس دون ما يطلب راحة. • بعد أما كان يخلص المواعيد في مكتبه كان الشعب المحتاج خدمته مسلمين و مسيحيين يمشوا وراه علي البيت لانهم مالحقوش يدخلوا له المكتب كان يفتح الشقة و يقول تعالوا يا ولادي بكل بشاشة و يكمل خدمته في البيت . • ربنا وهبه موهبة الشفافية، يرشد الناس بروح الصلاة والحكمة. • كان البابا شنودة يستعين بيه ليميز المعجزات ويذهب إلي البيوت ليمتحن الأمور بروح الله و كان يحذر مش أي معجزة نجري وراها الملايكة محاوطينا و ربنا يسوع متحد بينا و دي اعظم معجزة . • كان يزور المرضى، يقبل أيديهم وأرجلهم ويقول: “أنا بقبل جسد المسيح”. 💫 أبوة وتواضع استثنائي رغم سنه الكبير وقامته الروحية العظيمة، كان في قمة التواضع. آخر مرات قابلناه، إنحنينا علشان نقبل إيده، لقيناه هو اللي بينحني ويقبل إيدينا! ولما قلناله “مايصحش يا أبونا”، رد مبتسم: “إنتوا عايزين تاخدوا بركة وأنا ماخدش يعني؟” ❤️ 🕊️ تنيح القمص أخنوخ سمعان في يناير 2021 بأمريكا ، ودفن هناك تاركاً سيرة عطرة مليانة برائحة المسيح الذكية ✍️ 
|
 |
|
العرض المتطور