اختار تعيش مرتاح مش مترقّب

[walaa farouk]

• وصلت لقناعة يمكن تكون أغلى من أي مكسب…
إن السلام الحقيقي مش في الناس، ولا في الظروف،
ولا حتى في ردود الأفعال.
السلام النفسي هو لما تبطل تستنى.
ما تستناش تقدير، ولا تبرير، ولا حتى كلمة حلوة.
تعيش علشان ترضي ربنا، مش علشان ترضي حد.
تحب، وتدي، وتسامح… مش علشان المقابل،
لكن علشان قلبك نضيف.
اللي يستنى من الناس، بيعيش طول الوقت مكسور التوقعات،
لكن اللي يكتفي بالله… عمره ما ينكسر.
اختار تعيش مرتاح، مش مترقّب.
وساعتها هتعرف يعني إيه،
السلام اللي يفوق كل عقل.