جائزة نوبل
بيخبرو عن راهبة فقيرة ومتواضعة حصلت ع جايزة نوبل، كل الصحافيّين سخرو منها وما اهتمّو لأمرها، إلا صحافي واحد لحقها ع الهند، شافا عم تاخد رجّال ميت عن الطريق وتدفنو، قرّب الصحافي وسألها شو يلّي خلّاها تعمل هالشي، كان جوابها: «هالرجّال عاش كل حياتو منهان على القليلة يندفَن بكرامة». بيقلها الصحافي: «لو عطيوني مليون دولار ما كنت بعمل هالشي يلّي إنتي عملتيه»، وهون بتقلّو الراهبة: «لو عطيوني كنوز الدني ما كانو قدرو منعوني إدفنو!»... أكيد عرفتو مين هيّي هالراهبة، الأم تريزا دو كالكوتا، خادمة أفقر فقرا العالم.
الزوّادة بتذكّرني وبتذكرك بكلام الرب يلّي بيقول:
«كل يلّي بتعملوه مع واحد من إخوتي هودي الزغار معي أنا بتكونو عملتوه».
والله معكن.
يوم أمس, 05:11 AM
رد: زوادة اليوم : جائزة نوبل : 26 / 8 / 2025 /
العرض العادي
