يسوع ما اتغيرش

[walaa farouk]

يسوع ما اتغيرش…
لسّه بيعدّي على القلوب المكسورة ويشفيها،
لسّه بيقف قدام القبور وينادي: “اخرج!”
لسّه بيمدّ إيده في العاصفة ويقول للموج “اسكت!”
يسوع ما زال يشفي، ويُقيم، ويغيّر، ويصنع الجديد.

المعجزة مش حكاية قديمة…
دي واقع بيبدأ لما تقولله: “أنا مش قادر، بس إنت تقدر.”
لما ترفع عينيك وتصرخله من كل قلبك: “اتصرف يا رب!”

يسوع مش بعيد عنك،
هو واقف على بابك… مستني تطلب، مش عشان يعرف،
لكن عشان تدخل إيده في حياتك وتقول: “كن أنتَ البداية!”