|
 |
 |
 |
|
|
|
رقم المشاركة : ( 1 )
20 - 07 - 2025, 06:10 AM
|
|||||||||||
|
|||||||||||
|
الذكريات قاعدة في خانه في عقلك ما حدش عارف مكانها فين ؛ اللي يقول فوق واللي يقول تحت واللي يقول على جنب يمين او على جنب شمال .. المهم هي شاغلة جزء كبير من عقلك بتخزن فيه الوجع والألم اللي ما بيموتش مع الايام .. و كلنا من وقت للتاني بنقعد نجتر الوجع، نحكي فيه بينا وبين نفسنا، ونحكي فيه مع الناس ونصحصح الالم ، ونحط الوجع جنب الوجع فيتحول الى قصه مؤلمة نعيد ونزيد فيها.. وزمان كان أهالينا بتقول علمني الخيابة، يبقى اللي تعيده تزيده !! وده اللي احنا بنعمله مع الوجع .. فاكرين ان احنا لما بنحكي فيه كتير بنرتاح.. بس ده عمره ما بيحصل، لأن الوجع لما بيطلع كتير ، يقعد يلف يلف في دواير .. و كل لما نحكي في الالم يتضاعف ويزيد ويكبر .. الوجع اللي جواك احكي فيه ماشي بس مرة واحدة و مع الشخص المناسب و المتخصص ، وبعد كده اتعلم منها دروس ، و دور لها على حلول ؛ مش كل لما تشوف نفسك فاضي تقعد تحكي مع روحك أو مع غيرك في اللي فات ، وهات وجعك على وجعي يبقوا وجعين .. الاوجاع مش بتخف بكتر الحكاوي .. سيب ذكرياتك تتعافي مع نفسها، و مع اللي يفهمك و يساعدك وقت ما تلاقيه !! 
|
 |
|
| قد تكون مهتم بالمواضيع التالية ايضاً |
| الموضوع |
| ربنا شاعر بكل ذكرياتك |
| راجع ذكرياتك |
| ذكرياتك مع يسوع |
| ذكرياتك فى الروح ! |
| لا تفرط فى ذكرياتك |
العرض المتطور