|
 |
 |
 |
|
|
|
رقم المشاركة : ( 1 )
12 - 07 - 2025, 12:19 PM
|
|||||||||||
|
|||||||||||
|
معرفش ليه الايام دي اللي هي زي عيد الرسل وعيد العدرا بفتكر فكره (لمه العيله) بس بشكل روحي اللي هو عيد مافيهوش لبس جديد ولا ظيطه بس هو عيد تلاقي اليوم ده في ناس بتجمع حتي لو علي لقمه بسيطه ويبقوا فرحانين ويبقي القاعده فيها فرح كده ناس حاضره قداس ويقعدوا سوا ياكلوا مع بعض وتحس انه عيد عاوز اقولك نصيحه ممكن تفتكرها مالهاش دعوه بعيد الرسل بس هي حياه الرسل اسمها ( حياه الشركه ) لو ليك عيله ماتخسرهاش لو ليش مجموعه كنت تحب تقعد معاها ماتخسرهاش بلاش يعدوا عليكم ايام روحيه وأعياد تحسوا فيها بفراق اللمه والعزوه (حياه الشركه) انت فاكر دي حاجه عاديه ؟ لا دي نعمه ان ليك حياه وناس وأهل وأخوات وصحاب ممكن حاسس انك دلوقتي لوحدك والعيد عندك زي اي يوم عادي يمكن بتقول ياه لو الناس زي كانت هنا كنت زماني عملت كذا وكذا معلش يمكن انت لوحدك دلوقتي بس اللي له ناس وعيله وأخوات وصحاب حافظ عليهم وخلي دايما أعيادكم قداس وقعده مع عيله ولا صحاب ولا ناس بتحب تشاركهم حياتك كل ده نعمه كبيره 
|
 |
|
العرض المتطور