( مر ٢٤:٤ ) بِالْكَيْلِ الَّذِي بِهِ تَكِيلُونَ يُكَالُ لَكُمْ وَيُزَادُ

[walaa farouk]

بِالْكَيْلِ الَّذِي بِهِ تَكِيلُونَ يُكَالُ لَكُمْ وَيُزَادُ ( مر ٢٤:٤ )

الاية دي مريحة جداً ،
تخليك تمشي وسط ردود افعال الناس المتوحشه
والخبيثه والانانيه والغدارة والمنافقه وغيرها من الصفات
، وانت متطمن جداً
ان كل اللي حصل فيك ربنا مش هاينساه
وكل وجع صاب قلبك متشاف ومتسجل عند ربنا
وحقك اللي معرفتش تاخده ، هايجيلك وانت قاعد مكانك
" يدافع عنكم وانتم صامتون "
- الاهانه متسجله ، الكسرة متسجله ، الظلم متسجل
، الوجع متسجل ، الغدر والخيانه متسجلين

لو كل انسان حط الايه دي قدام عينه
هايفكر مليون مره قبل مايتسبب في اي نوع من انواع الوجع للي قدامه

حتى ان نسي الموجوع وجعه ، ربنا عادل جداً ومابينساش
فاتطمن ، واقعد اتفرج على حقك وهو بيتاخد من اللي ظلموك

بِالْكَيْلِ الَّذِي بِهِ تَكِيلُونَ يُكَالُ لَكُمْ
مش بس كده .. لأ ، ( ويزاد ) 👌