|
 |
 |
 |
|
رقم المشاركة : ( 1 )
05 - 07 - 2025, 10:40 PM
|
|||||||||||
|
|||||||||||
|
🔴 يعني إيه خادم مرنم أرثوذكسي؟ 🔴 يعني شاهد حي لإيمان الكنيسة اللي اتولد فيها يعني فمه ينطق بما تسلّمه من تسابيح وآباء وقديسين يعني لما يرنم.. الكنيسة كلها تحس إنها في حضرة السماء مش مجرد صوت حلو.. ولا أداء مبهر.. لكن روح أرثوذكسي نقي بيشهد للمسيح من خلال طقس كنيسته لكن للأسف... بقينا نشوف حاجة غريبة جدًا خدام مرنمين أرثوذكس يسيبوا إبصاليات كنيستهم.. وتماجيدها.. ومدائحها ويرنموا ترانيم دخيلة.. غريبة في لحنها.. وفكرها.. وروحها.. وأحيانًا تحمل تعليم غير أرثوذكسي.. ومع كده يسقفوا ليها.. ويتحمسوا.. وينقلوها للشعب بمنتهى البساطة! ❗المشكلة مش إن الترانيم دي "مش من كنيستنا" وبس لكن لأنها بتشكّل وعي وتعليم وصورة عن الله والإيمان وممكن تكون بداية لانحراف جوهري عن روح الكنيسة ⛔ وده اسمه "تفريط في الوديعة" الخادم اللي يشيل تاج كنيسته ويرتدي أي صوت غريب بيضيّع هويته.. ويضيّع اللي وراه 🎙️ الخادم المرنم الأرثوذكسي مش حر يرنم أي حاجة هو مسؤول قدام الله عن كل كلمة بيزرعها لأن اللي بيسمعوه مش دايمًا بيميزوا لكن بيثقوا.. وبيتعلموا.. وبيتشكّل فكرهم باللي بيسمعوه منه ⛪ كنيستنا فيها ما يكفي.. بل ما يفوق فيها تسابيح تهز السما وفيها ألحان تحمل لاهوت كامل وفيها تراث لو قعدنا العمر كله مش هنخلصه المشكلة مش في نقص المادة لكن في تساهل القلب 💬 خدام كتير ابتدوا بغير قصد لكن انتهوا بحالة مسخ لا تنتمي لا لمديح.. ولا لترنيم لا لأرثوذكسية.. ولا لطريق مستقيم 📖 "اثبتوا في ما تعلمتموه، وصدقتم، عالمين ممن تعلمتم" (2 تيموثاوس 3: 14) 🔁 ارجع لتراثك.. ⛪ حُط وشّك فوش كنيستك 🔥 واخدمها بغيرة.. مش بخلط 
|
 |
|
| قد تكون مهتم بالمواضيع التالية ايضاً |
| الموضوع |
| 🔴أسباب الشخير |
| 🔴 عيد الرسامة ال 32 لقداسة البابا تواضروس الثاني🔴 💠 كل سنه وقداستكم طيب وبخير يا سيدنا |
| 🔴الطّاعةُ هي الحياة🔴 |
| 🔴سر مسحه المرضى في الكتاب المقدس:🔴 |
| القديسة سينكليتيكي 🔴 أم الراهبات 🔴 |
العرض العادي
