نجاحك جه من فوق

[walaa farouk]

هتنجح، آه صدقني، هتنجح…
رغم كل الحاجات اللي بتخوفك، واللي بتصحى بيها وتنام عليها…
رغم كل مرة حسيت فيها إنك مش قدها، وإنك هتقع…
بس في لحظة ما، وسط كل ده، هتشوف إيد ربنا وهي بترفعك.

ويمكن ماكنتش فاهم وقتها، بس هتفهم بعدين…
هتفهم إن النجاح ده ماكانش شطارة،
ولا قوة، ولا مجهود…
كان نِعمة، وكان إله واقف وراك وبيقولك:
“أنا اللي ادّيتك النجاح ده، علشان أنا عارفك…
وشايف قلبك، وشايف تعبك، وشايف إنك استحملت فوق طاقتك.”

فبلاش تتراجع…
أوعى تسيب نفسك لليأس،
لسه ربنا بيكتبلك حكاية جديدة عنوانها: “نجاحك جه من فوق.”