|
 |
 |
 |
|
|
|
رقم المشاركة : ( 1 )
05 - 06 - 2025, 09:16 AM
|
|||||||||||
|
|||||||||||
|
♥️ في ناس كتير بتفتكر إنهم عايشين قصة حب... بس في الحقيقة، هما عايشين حالة تعلُق.🥺 وتعلُق من النوع اللي بيستهلك القلب والعقل بهدوء.. . كل يوم شوية، من غير ما نحس. 👈🏻 الحب الحقيقي عمره ما كان وجع، ولا خوف ، ولا احتياج بيخنق النفس. ♥️ الحب اللي بيخلينا بشر أصحاء، هو حب فيه حرية... فيه مساحة، وفيه دفء من غير قيد. حُب بيقولك: "أنا شايفك، وبحبك، ومن حقي ومن حقك نكون نفسنا." 👈🏻 لكن التعلق المرضي⁉️ ده مش علاقة، ده سجن داخلي... قيد مش ظاهر، لكن ملموس في كل لحظة قلق ، كل مرة نحس إن وجودنا مرتبط بحد تاني. 🩹التعلق ده بيبدأ من جرح قديم، من لحظة اتزرع فيها فينا إحساس إننا مش كفاية. ومن وقتها، بقى عندنا وهم إننا مش هنعيش من غير الآخر، إن الأمان مش جُوانا، لكنه متعلق بوجود حد تاني جنبنا.🧩 👀 نفضل نراقب كل كلمة، كل تصرف، نستنى رسالة، نحلل سكوتهم،نعيش في حالة تأهب مستمر، ومجرد تأخير بسيط في الرد يهد كياننا. 😞 ولما ده يحصل،... اللي قدامك بيحس إنه مش قادر يتنفس، لأنك بتحمله مسؤولية جرح مش من صنعه. وفي النهاية‼️ بتخسر نفسك قبل ما تخسر اللي بتحبه. وتعيش وأنت فاكر إنك مش تستحق الفرح إلا بوجود حد معين في حياتك. 🛣️ لكن فيه طريق تاني... 🧘🏻♀️ الطريق يبدأ من لحظة صدق مع النفس، لحظة تقول فيها: "أنا محتاج أتعلم أحب بطريقة صح... أنا أستحق أعيش حب مُريح مش مُرهق." ابدأ تبني عالمك الخاص، اشتغل على حلمك، ارجع تفتكر أنت كنت مين قبل التعلق. اضحك، عيش، امشي في طريقك، وخلي وجود الآخرين اختيار... مش ضرورة. ولما الخوف ييجي🏃♂️ما تهربش. اسمعه، وافهمه، واعرف مصدره. الخوف مش ضعف... هو دليل إنك بني آدم عنده مشاعر محتاجة حضن مش هروب. وافتكر‼️ طلب المساعدة مش عيب، ده شجاعة... شجاعة إنك تواجه، وإنك تشفى، وإنك تبدأ من جديد. ❌ الحب مش قيد،ولا قلق،ولا دموع مستنية رد. ✅ الحب سند... ❎مش استناد. 🫵🏻 وأنت... كفاية. كفاية بشكلك، بتعبك، بقوتك، بكل حكاياتك. اللي هيحبك بجد، مش هيستنى منك تتعلق بيه، هيستنى تشاركه الحياة... مش تتعلق بيها. النجاة مش في إنك تلاقي حد يشيلك، النجاة الحقيقية هي إنك تعرف تشيل نفسك، وتختار اللي يكمل معاك... مش اللي تعيش بيه!! 
|
 |
|
| قد تكون مهتم بالمواضيع التالية ايضاً |
| الموضوع |
| مش زعلان علي حاجة يارب كفاية انك معايا ودا كفاية |
| كفاية |
| كفاية بقر |
| كفاية بفر بقى |
| ابو حامد على تويتر الى المرشد حرام كفاية حرام كفاية قرفتونا. ووجعتولنا بطننا |
العرض المتطور