|
 |
 |
 |
|
رقم المشاركة : ( 1 )
29 - 05 - 2025, 09:02 AM
|
|||||||||||
|
|||||||||||
 عزيزي_الله أحيانًا بحس إني مش واخد بالي من نفسي.. بعيش يوم ورا يوم.. وفي حاجات جوايا بتتكسر بهدوء..من غير صوت.. دموعى بتنزل..ومحدش سمعها.. شهقة خفيفة في صدري..متقالتش.. تفصيلة في كلام حد..عدّت على الكل إلا أنا.. وكنت فاكر إن حتى أنت..مش واخد بالك.. لكن اكتشفت إنك أنت الراصد للخفاء.. شايف اللي تحت السطح..واللي تحت الصمت.. شايفني زي ما الطفل بيشوف أمه وسط الزحمة.. بوضوح وسط الضباب.. وكل ما حسّيت إني مش مفهوم.. بلاقيك بتفهمني قبل ما أتكلم.. كل ما فضّلت أسكت علشان "مش مهم".. بلاقيك بترد بكلمة في وعظة..أو رسالة في كتاب. .أو صوت جوايا بيقول: "أنا واخد بالي..ومش هسيبك لوحدك." شكرًا يا رب.. لإنك ما بتتعاملش معايا كـ"واحد من ضمن كتير".. لكن كحكاية منفصلة..محتاج أحد يرعاها بإيدين فيها حنان أبدي.. 
|
|
العرض الشجري