خليك راجل بجد

[walaa farouk]

العنف مش رجولة
اللي يمد إيده على زوجته، أو يهينها بكلمة،
أو يكسرها نفسياً أو معنوياً، مش راجل… دي الحقيقة.

الرجولة مش في السيطرة ولا الصوت العالي،
الرجولة الحقيقية في الاحتواء، في الصبر، في الحنية،
في إنك تبقى أمان مش خطر، حضن مش أيد مستعدة للضرب،
كلمة طيبة مش سُخرية، سند مش نقد.

كل مرة بتزعق فيها، أو تهينها، أو تتعمد تكسّرها…
في جزء منها بيموت…
وبيموت فيك حاجة كمان: الإنسانية، الرحمة، الرجولة.

اللي يضرب مراته مش قوي…
ده ضعيف، مكسور، مش قادر يحاور فبيأذي.
ولو فكرت في المسيح، اللي شال الناس كلها بحب،
هتلاقي إن القوة مش في القسوة،
القوة في الحب اللي يشيل ضعف اللي قدامك.

العنف مش بس كف،
العنف كمان لما تبخل بكلمة حلوة، لما تسخر، لما تذل،
لما تهدد،
كل ده اسمه أذى، وده بعيد كل البعد عن الرجولة
وعن الإنسان اللي ربنا خلقه “على صورته ومثاله”.

خليك راجل بجد…
اللي قلبه واسع، وصدره حنين، وكلمته طيبة،
اللي الزوجة تحس معاه إنها في بيت… مش في معركة.

[Jesus follower]

مشاركة فى منتهى الروعه والجمال .. شكرااا على هذا الكلام الرائع معك حق ...الرب يسوع يبارك حياتك و يحفظك 🙏🙏✝️✝️✝️