|
 |
 |
 |
|
|
|
رقم المشاركة : ( 1 )
06 - 05 - 2025, 11:24 AM
|
|||||||||||
|
|||||||||||
|
خافو على بناتكم الغلطه مالهاش تصليح كنت راجع من السفر وكنت جعان جدا ، كان فاضلى حوالى نص ساعه واوصل البيت ، لاقيت عربية كبده ، والريحه تعبت اعصابى ولاقيته عارض العيش السخن وريحته وطبق المخلل قولت مابدهاش بقى انا مش مستحمل انا ادخل واكل .. قولتله بكام السندوتش قالى بخمسه جنيه قولتله حلو هاتلاقى ٧ بقى وزود فلفل ومخلل ودلعنى ...🥰🤤🤤 دخلت لاقيت صرصار صغير ماشى على الترابيزه ، قولت مش مشكله قومت وغيرت المكان وقعدت على ترابيزه تانى .. المهم اكل بقى جعان ،نزل الاكل وبدات اكل .. خلصت اكل ومشيت .. لكن لما رجعت بالذاكره وافتكرت الصرصار حسيت نفسى هارجع ، وازاى انا اكل من مكان زى ،دانا مستحيل اكل من عنده تانى ، ايه القرف ده ، وبطنى الليل كله حاسس فيها بوجع... بعدها باسبوع رجعت من الشغل جعان جدااا وكنت مكسل اعمل اكل ، لاقيت رجلى سحبانى اوتوماتك للراجل بتاع الكبده ، طب والصراصار وبطنك اللى وجعتك ... ولا حياه لمن تنادى ... الخلاصه اللى عاوز اقولها لما تسيب نفسك لمشاعرك واحاسيسك للأسف بتلبس فى الحيط .. ربنا قال كونو بسطاء كالحمام وحكماء كالحيات .. كون حساس اه لكن فى نفس الوقت كون حكيم واعرف ايه اللى يناسبك وايه اللى مايناسبكش .. انتى بتحبى واحد حلو الحب شىء جميل ومشاعره لطيفه ، لكن هل الشخص ده مناسب ليكى ؟ هل هاتعرفى تتعاملى مع اسرته ؟ هل وهل وهل واسأله كتيره جدا لازم تجاوبيها على نفسك قبل ماتاخدى الخطوه وماينفعش ابدا تشوفى الغلط قدام عينك لمجرد ان عندك مشاعر حب قويه له عاوزه تشبيعها بوجودك معاه وفجأه تصحى على كابوس ونتقابل فى محكمة الاسره بقى .. رسالتى لكل ام واب خلى باللك على بنتك اسمعها غذى عقلها بحبك واهتمامك ومشاعرك الجميله ماتسيبهاش جعانه لدرجة انها تجرى ورا اى حد يهتمك بيها ويقولها كلمتين حلوين .. خافو على بناتكم الغلطه مالهاش تصليح ، اقعدو معاهم تابعوهم حافظو عليهم .. 
|
 |
|
| قد تكون مهتم بالمواضيع التالية ايضاً |
| الموضوع |
| الغلطه التانيه مع نفس الشخص |
| أنا عايز حضن دافئ و لا أنا محتاج حضن دافئ |
| امحوا الغلطه علشان المحبه |
| ننسي الغلطه اللي بينا |
| الغلطه |
العرض المتطور