|
 |
 |
 |
|
|
|
رقم المشاركة : ( 1 )
06 - 05 - 2025, 11:10 AM
|
|||||||||||
|
|||||||||||
|
الفرخه بعشره جنيه .. من حوالى شهر وانا مروح من الشغل فى الاتوبيس كان قاعد جنبى راجل كبير ، السواق مصمم ينزله ، والراجل كان محرج جدا ، بسبب ان محفظته وقعت ومش معاه فلوس يدفع الأجره .. السواق قاله كلمه صعبه قوى " لما انت مش معاك فلوس بتركب ليه وتحرج نفسك ولا هو نطاعه وخلاص ، بطلو اللى بتعملوه بقى " لاقيت الراجل زعل قوى على نفسه ، قاله تعبان جدا ومش قادر اقف فى الشارع ، كنت فاكرك هاتعذرنى لما تعرف ان محفظتى وقعت ..🥹🥹 بصراحه ايا كان الكلام اللى قاله الراجل صح ولا حوار لكنه صعب عليا جدا .. المهم طلعت من جيبى ١٠ جنيه ودفعتله .. قاعد يشكرنى جدا ، وقالى ده جميل عمرى ماهانسهولك ، وفضل يدعيلى جدا كأنه كان غرقان وانقذته ، وصمم ياخد رقم تليفونى ، انا كنت رافض لكنه صمم وادتهوله... امبارح لاقيت تحويل جانى على انستا باى ب١٠٠٠ جنيه .. من شخص معرفهوش .. وبعدها وصلتنى رساله مكتوب فيها .. " شكرا لانك انقذتنى " بردو مافهمتش اتصلت بالرقم لاقيته شاب .. - مساء الخير حضرتك اللى بعت الفلوس؟ ـ قالى اه ، انا ابن الراجل اللى انت دفعتله من شهر تقريبا فى الاتوبيس ، هو عاوز يكلمك دلوقتى، هو اللى قالى ابعتلك .. الراجل كلمنى وفضل يشكرنى جامد ، قولتله انا نسيت اصلا.. قالى لا ، ربنا عمره ماينسى الحاجه الحلوه اللى بنعملها ماتنساش انه قال .. لأني جعت فأطعمتموني . عطشت فسقيتموني. كنت غريبا فآويتموني 36 عريانا فكسوتموني. مريضا فزرتموني. محبوسا فأتيتم إلي وقال كمان الحق أقول لكم: بما أنكم فعلتموه بأحد إخوتي هؤلاء الأصاغر ، فبي فعلتم.. انت ساعدتنى فى اشد ازمتى ودى اقل حاجه اقدر اشكرك بيها .. المهم روحت بقى روقت على نفسى وجبت فرخه .. فا دخلت السكن زميلى بيقولى ايه ياعم بكام الفرخه دى قولتله بعشره جنيه 😉🫰 
|
 |
|
| قد تكون مهتم بالمواضيع التالية ايضاً |
| الموضوع |
| من هو الأنبا مكراوي الذي أمر الملك بعصره في الهنبازين وتقطيع أعضائه |
| صلو من اجل المتلهفين الي الفرحه |
| من الفرحه |
| كون انك تفرح حد دي قمه الفرحه .. |
| الفرحه فرحتين |
العرض المتطور