الجمعة العظيمة مش يوم حزن وخلاص

[walaa farouk]

الجمعة العظيمة مش يوم حزن وخلاص،
دي لحظة ربنا قرر فيها يحبني لي أقصى درجة
، من غير ما يشترط عليّ إني أكون كويس أو أستاهل. في اليوم ده،
المسيح ما دافعش عن نفسه، ما نزلش من على الصليب،
مع إنه يقدر. لكنه فضّل يتسمر ويسكت
، علشان أنا اللي أعيش. الناس شافوا الصليب ضعف
، بس الحقيقة إن اللي حصل فوق الصليب كان أعظم عمل حب في التاريخ.

كل نقطة دم نزلت، كانت بتقول: “أنا واخد مكانك”،
وكل تنهيدة طلعت كانت بتصرخ “لسه بحبك”،
وكل لحظة وجع كان بيعدي فيها، كانت بتثبت إن قلبه اختارني. وأنا؟
أنا ساعات ببص للصليب كأنه منظر ديني…
مش كأنه حياتي. ساعات بفتكر إن ربنا بعيد
، وإنه مش شايف، في حين إنه شايلني فوق خشبة عمرها ما اشتكت.

الجمعة دي مش مجرد ذكرى، دي دعوة
. دعوة إني أراجع نفسي، وأسأل قلبي:
هو أنا عايش مستاهل الحب ده؟
هو أنا فاهم أصلاً قد إيه أنا غالي عنده؟
يمكن ما بفهمش اللي بيحصل في حياتي
او كل اللي حصل، ويمكن قلبي ساعات بيبعد،
بس كل ما ببص للصليب، برجع أصدق إفي حب حقيقي ربنا حبهولي
، وفي أمل، وفي بداية جديدة

#الجمعةالعظيمة