يا رب أنا يونان 😔

[walaa farouk]

يا رب !!
أنا يونان .. 😔

أنا يونان اللي أوقات أصلي ولو مشيئتك وأمرك مجاش
على هوايّ باهرب بعيد ..

أنا يونان اللي ساعات كتير أتكلم عنك
وأخدمك وأنادي بإسمك و قلبي لسه مابيعرفش يحب ..

أنا يونان اللي شفقت على اليقطينة اللي ماتعبتش فيها
ولا ربيتها -ٱلَّتِي بِنْتَ لَيْلَةٍ كَانَتْ وَبِنْتَ لَيْلَةٍ هَلَكَتْ
-و غضبت لما دودة أكلتها..
وقلبي ماعرفش يشفق على أخواتي اللي عددهم بالآلاف
في نينوى -ٱلَّذِينَ لَا يَعْرِفُونَ يَمِينَهُمْ مِنْ شِمَالِهِمْ - من الهلاك الأبدي..

أيوة، أنا يونان اللي أوقات الصواب يغيظني
لو عاملته مع الناس اللي حواليّ و معملتوش معايّ .. 😔

يمكن في ضلمة صراخي جوة بطن الحوت
ماكونتش عارف انا هخرج ولا هموت هنا
لكن كان عندي ثقة أنك سامع صراخي ..
"وَلَكِنَّنِي أَعُودُ أَنْظُرُ إِلَى هَيْكَلِ قُدْسِك ، …..
فَبِصَوْتِ ٱلْحَمْدِ أَذْبَحُ لَكَ، وَأُوفِي بِمَا نَذَرْتُهُ. لِلرَّبِّ ٱلْخَلَاصُ». يونان٢: ٤